کوئٹہ: مستونگ اور کیچ میں ایف سی اور حساس ادارے نے مختلف کارروائیوں کے دوران چھ مشتبہ افراد کو گرفتار کرکے اسلحہ برآمد کرلیا۔ ترجمان ایف سی کے مطابق مستونگ کے نواحی علاقے پل مرؤ کلی ساتکزئی میں ایف سی اور حساس ادارے نے خفیہ اطلاع پر کارروائی اور کالعدم علیحدگی پسند تنظیم بی ایل اے سے تعلق کے شبے میں ایک شخص کو گرفتار کرلیا۔ ترجمان کے مطابق گرفتار شخص کے قبضے سے تین کلاشنکوف، آٹھ رائفلیں ، پانچ دوربین اور منشیات برآمد کی گئی۔ دوسری کارروائی کیچ (تربت)کی تحصیل مند کے علاقے سورو میں کی گئی جہاں سے پانچ مشتبہ افراد کو حراست میں لے کر تفتیش کیلئے نامعلوم مقام پر منتقل کردیا گیا۔
