کوئٹہ+خضدار+اوتھل: کوئٹہ ، خضدار ،لسبیلہ اور لورالائی میں ٹریفک حادثات میں ایک شخص جاں بحق اور29افراد زخمی ہوگئے۔خضدار میں قومی شاہراہ پر بی آر سی کے قریب کراچی سے کوئٹہ سے جانے والی مسافر بس مخالف سمت سے آنے والی ایک موٹر سائیکل کو ٹکر ماردی جس کے نتیجے میں موٹر سائیکل پر سوار تاج محمد انکی اہلیہ (ف) اور گیارہ بیٹی فہمیدہ شدید زخمی ہوئیں زخمیوں کو پولیس نے گورنمنٹ ٹیچنگ ہسپتال پہنچائی جہاں زخمی موٹر سائیکل سوار تاج محمد زخمیوں کی تاب نہ لا کر چل بسا پولیس نے کارروائی کرتے ہوئے بس کو تحویل میں لیکر مزید تحقیقات شروع کردی۔کھانتا ندی اوتھل کے قریب حب سے جھاؤ جانے والی مسافر کوچ اور مزدا ٹرک میں خوفناک تصادم ہوگیا جسکے نتیجے میں خواتین اور بچوں سمیت 14 افراد زخمی ہوگئے تصادم کی اطلاع پاتے ہی ایدھی بلوچستان کے انچارج ڈاکٹر عبدالحکیم لاسی ایدھی رضاکاروں اور ایمبولینسوں کے ہمراہ جائے حادثہ پر پہنچ گئے اور حادثے میں زخمی افراد کو ڈسٹرکٹ ہیڈ کوارٹرز ہسپتال منتقل کیا گیا جہاں ڈاکٹروں اور لائف ٹرسٹ اوتھل کے رضاکاروں نے حادثے کے زخمیوں کو ابتدائی طبی امدد فراہم کیں ، مسافر کوچ اور مزدا ٹرک تصادم میں امان اللہ ولد وزیر خان مری سکنہ تربت ، بادین ولد سلیمان رخشانی سکنہ جھاؤ، صالح محمد ولد خیر محمد رخشانی سکنہ جھاؤ ، صالح محمد ولد خیر محمد رخشانی سکنہ جھاؤ ، حاصل ولد محمد ایوب قوم بلوچ سکنہ جھاؤ ، عبدالواحد ولد محمد چنال سکنہ جھاؤ ، محمد سلیم ولد فتح محمد بزنجو سکنہ جھاؤ آواران ،ذکر اللہ ولد عبدالرؤف سکنہ سوراب ، نسیمہ بنت عبداللہ ساجدی سکنہ جھاؤ ، گل نساء زوجہ داد شاہ بلوچ سکنہ جھاؤ ، زیباء زوجہ دلمراد بلوچ سکنہ جھاؤ ، زینب زوجہ ظریف ساجدی سکنہ جھاؤ ، محمد نور ولد سوال جان چنال سکنہ جھاؤ ، عبدالکریم ولد محمد حسین محمد حسنی سکنہ جھاؤ ، نصیر احمد ولد جمعہ خان میروانی سکنہ جھاؤ زخمی ہوئے جبکہ خوش قسمتی سے حادثے میں کسی جانی نقصان کی اطلاع نہیں ہے ، کوئٹہ کے علاقے مغربی بائی پاس پر شائستہ خان ہوٹل کے قریب پشین کے علاقے بوستان سے کوئٹہ آنے والی لوکل بس اور کار میں تصادم ہوا جس کے نتیجے میں آٹھ افراد زخمی ہوگئے جنہیں بولان میڈیکل کمپلیکس منتقل کردیا گیا۔ زخمیوں میں عبدالنافع کاکڑ، حق نواز کاکڑ ، نعمان ، عرفان، بسم اللہ کاکڑ، حبیب اللہ اچکزئی و دیگر شامل ہیں، لورالائی کی تحصیل دکی کے علاقے تھل میں موٹر سائیکل سے گر کر تین افراد داد شاہ ، شیرافضل اور زین الدین زخمی ہوگئے
