اسلام آباد:آئل اینڈ گیس ریگولیٹری ارتھارٹی (اوگرا)نے پٹرولیم مصنوعات کی قیمتوں میں16روپے71پیسے فی لٹر تک اضافے کی سمری وزارت پٹرولیم کوارسال کر دی۔سمری میں پٹرول کی قیمت میں4روپے16پیسے ،ہائی اسپیڈ ڈیزل میں 4روپے29پیسے اورمٹی کے تیل کی قیمت میں16 روپے71پیسے فی لیٹر اضافے کی سفارش کی گئی ہے۔ پٹرولیم مصنوعات کی قیمتوں میں میں ردوبدل کا فیصلہ حکومت(آج)منگل کو کریگی۔تفصیلات کے مطابق ملک میں پٹرولیم مصنوعات کی قیمتوں میں 16روپے71پیسے فیلیٹر تک اضافے کا امکان ہے،ذرائع کے مطابق اوگرا نے پٹرولیم مصنوعات کی قیمتوں میں اضافے کی سمری وزارت پٹرولیم کوارسال کر دی۔سمری میں ہائی اسپیڈ ڈیزل4روپے 29پیسے فی لٹر مہنگا کرنے کی سفارش کی گئی ہے جبکہ سمری میں پٹرول کی قیمت میں 4 روپے 16 پیسے ، مٹی کے تیل کی قیمت میں 16روپے 71پیسے ،لائٹ ڈیزل 12 روپے 53 پیسے اور ایچ او بی سی 12 روپے47پیسے فی لیٹر مہنگا کرنے کی سفارش کی گئی ہے۔ذرائع کے مطابق اوگرا کی سفارشات پر حکومت (آج)منگل کو فیصلہ کریگی۔
