کو ئٹہ : بلوچستان کے علاقے نصیرآباد میں فلیجی کے مقام پر نامعلوم ملزمان کی جانب سے دہشتگردی کے لئے زیر زمین چھپائی گئی بارودی سرنگ پھٹنے سے 2 افراد شدید زخمی جبکہ ایک بکری مر گئی ۔

یہاں آمدہ اطلاعات کے مطابق گزشتہ روز نصیرآباد کے علاقے فلیجی میں نامعلوم ملزمان کی جانب سے تخریب کاری کے لئے زیر زمین چھپائی گئی بارودی سرنگ پر اچانک بکری کا پاؤ ں آجانے سے وہ زور دار دھماکے سے پھٹ گئی جس سے بکری موقع پر مر گئی جبکہ 2 چرواہے عبدالمجید اور ممتاز شدید زخمی ہو گئے زخمیوں کو ہسپتال منتقل کر دیا گیا مزید کا رروائی مقامی انتظامیہ کر رہی ہے۔