کراچی: شہر قائد کے مختلف علاقوں میں بوندا باندی سے موسم خوشگوارہوگیا ہے۔
شہرقائد میں صبح سے ہی بادلوں اورسورج کے درمیان آنکھ مچولی کا سلسلہ جاری ہے اوراس دوران کہیں کہیں بوندا باندی ہوئی ہے، جس کے باعث شہرکا موسم خوشگوارہوگیا ہے۔ شہرکے جن علاقوں میں بوندا نابدی ہوئی ان میں شارع فیصل، ائیرپورٹ، پی ای سی ایچ ایس، ملیر سمیت مختلف علاقے شامل ہیں۔
دوسری جانب ہلکی بارش کی وجہ سے سڑکوں پرپھسلن ہوگئی جس کے نتیجے میں گاڑیوں اور موٹر سائیکلوں کومعمولی نوعیت کے حادثات پیش آئے۔