گوادر : گوادر، سید ہاشمی ایونیو روڈ پر دھماکہ۔ سات افراد زخمی، زخمیوں میں دو کمسن بچے بھی شامل۔ واقعات کے مطابق منگل کے روز گوادر شہر میں مین سید ہاشمی ایونیو روڈ پر ایک دکان میں نامعلوم حملہ آوروں نے آتش گیر مادہ پھینک کر فرار ہوئے۔دھماکے سے آگ بھڑک اٹھی۔
آگ کے لپیٹ میں آکر سات افراد جھلس کر زخمی ہو گئے۔زخمیوں کو فوری طور پر ڈی ایچ کیو ہسپتال منتقل کر دیا گیا۔ جہاں ابتدائی طبی امداد کے بعد زخمیوں کو کراچی منتقل کر دیا گیا ۔
ہسپتال زرائع کے مطابق زخمیوں میں فاروق ولد ابوبکر ، محمد جاوید ولد عبدالرزاق، فواد ولد فاروق، ساکنان کراچی، ممتاز ولد داد محمد سکنہ وڈھ، اشرف ولد فتح سکنہ تحصیل سوراب جبکہ دو کمسن بچے شنینہ بنت نور محمد، ارقم ولد سوہان ساکنان کراچی شامل ہیں۔تمام زخمیوں کی حالت خطرے سے باہر بتایا جاتا ہے۔
آتش گیر مادہ کی دھماکے کے بعد پولیس اور سیکورٹی فورسز نے علاقے کو گیرے میں لے لیا ۔ اور شہر کے تمام داخلی و خارجی راستوں پر چیکنگ کا عمل بھی سخت کیا گیا۔ تاہم آخری اطلاعات کے مطابق کسی قسم کی گرفتاری کی اطلاع نہیں ۔ پولیس نے نامعلوم ملزمان کے خلاف واقعے کی ایف آئی آر درج کر لیا ہے۔