بنی آدم ءِ زند مان ءِ سفر ہنچو ارزان نہ اِنت کہ آ دائم ءَ گل ءُُ شات بہ بیت ،بلئے چو ش ہم نہ اِنت کہ پرائی ءَ وشی ءِ سہتے مہ بیت۔ مردمانی دل بادشاہی ءُُ حکمرانی ءِ حب ءُُ واہگ ءَ باریں کدی ءُُ چون جاہ جتگ اے بابت۔
بلوچی زبان ءُُ لبزانک ءَ را چنائی ءَ یک جوانیں کدگے نہ رستگ کہ آئی بانزل جوانی ءَ پچ بہ بنت ءُُ پہ زبان ءُُ لبزانک ءَ ہما کاراں کت بہ کنت کہ یک زبانے ءَ را کنگی اَنت۔مروچیگیں دور یک سیاسی دورے ءُُ ہچ کار بیدئے سیاسی سروکانی ءَ بوت نہ کنت ۔یک اکیڈمی یے کہ جہدآئی ہمیش اِنت کہ بلوچی زبان ءُُ لبزانک ءَ را یک انچیں جائے ءَ سر بہ کنت کہ آئی ءَ را بوہگی بوتگ۔
باز مردم سے چیزاں یکیں سرپد بیت بلئے راستی ءَ چش نہ اِنت اے سے ایں چیزانی نیام ءَ زمین ءُُ آزمان ءِ اگاں پرک ءُُ جتائی یے نیست اِنت بلئے ہنچوہم نزیک نہ اَنت کہ ایشاناں یک گشگ بہ بیت۔
یک جستے کہ بلوچ ءِ مستریں دژمن کئے اِنت داں بازیں مردمے ءِ لیکہ دری مردمانی سرا اَت بلئے اصل ءَ بلوچ ءِ مستریں دژمن آئی ءِ جند اِنت ۔اگاں بلوچ وتی محرم ءُُ وتی دوست وت بہ بیت داں کس آئی ءَ تاوان دات نہ کنت ۔
اے گپ دائم ءَ اِش کنگ بوتگ کہ اگاں مردمے جوانیں کارے کنت داں آئی ءِ دست گرگ ءُُ آئی ءِ ہمے کارانی دلبڈی کنگ ءُُ آئی ءِ کاراں گیش کنگ ءَ راہ ءُُ در پچ کنگ بنت ۔بلئے اے اولی بریں کہ یک ادارگے ءِ جوانیں کارانی صلہ ءَ آئیءِ راہ ءُُ در بند کنگ بوہگ ءَ انت۔
زانت ءُُ بے زانتی ءِ گپ ءَ مدام زانت باج بارت بلئے زانت ءِ بندات گوں بے زانتی ءَ اِنت پمشکا بے زانتی زانت ءِ اولی پدیانک اِنت۔ شاہ زانتاں مدام گشتگ کہ آ مردم کہ وت ءَ زانتکار لیک ایت مستریں جاہل ءُُ بے زانت ہما اِنت ۔
بلوچانی اگاںیک مستریں مڈی یے است اِنت کہ آ ایشی ءِ پہر ءَ بست کنت داں آئی ءِ ہمے ادب ءُُ لبزانک اِنت۔پرچکہ ہمے لبزانک ءِ کمک ءَ ما وتی دپتر ءُُ دپتر ی بامرداں چہ آشنا بوتگ اَنت وتی ربیدگ،وتی دود،وتی نند ءُُ نیاد، وتی دوستی ءُُ نادوستی درست چہ ہمے لبزانک ءَ ہیل برتگ اَنت ۔
بلوچستان تاریخ ءِ حساب ءَ دنیا ءِ قدیمیں ہنداں شمار بیت ۔آئی ءِ تنی وہد ءَ بازیں دمب ءُُ آثاری جاہانی انگت ءَ شوہازی نہ بوتگ بلکیں بازیں جاہ یے انگت ءَ شوہاز ہم نہ بوتگ بلوچستان یورنیورسٹی ءِ یک لائق ستا پروفیسرے واجہ فاروق بلوچ ءَ بلوچستان ءِ کنڈ کنڈ ءِ تر ءُُ گرد کتگ ءُُ بلوچستان ءِ بازیں قدیمی چیز شوہاز کتگ اَنت ۔
زانت ءُُ سرپدی دو جتائیں چیزانی نام انت۔زانت،زانگءَ انت ،سرپدی ہمے زانگ ءِ بیان ءَ راگشگ بیت ۔اگاں کسے چیزے ءِ بابت ءَ سرپد بہ بیت آئی ءَ را زانتکار گشگ نہ بیت بلکیں سرپدیں مردمے گشگ بیت۔
یک تامرے ءِ کسہ انت کہ منا سک دوست بیت آیک انچیں مردے کہ ایوک ءُُ تہنا یک بلائیں کوہ یے کوچیت ءُُ راہ یے پہ وتی کسانیں میتگ ءَ پہ جوڑ کنت۔چرے کسہءَ یک گپے پدر بیت کہ بنی آدم ءِ جوزگ آئی ءَ ہرچی پرمات کنت ءُُ آ کتے ہم کنت بلئے ہمے جوزگ دل ءَ بہ بیت ،یک لس مردمے گوں اتوڑی یے ءَ یک بلائیں کوہے بکوچیت ارزانیں گپے نہ انت بلئے اے آئیءِ زرد ءِ جوزگ اَت کہ آئی ءَ را اے گرانیں کارے پہ ارزانی ءَ کنگ پرمات۔