کوئٹہ: بلوچ کلچر ڈے کے حوالے سے پارلیمانی سیکرٹری برائے اطلاعات محترمہ بشریٰ رند نے کہا ہے کہ میں اپنی اور صوبائی حکومت کی جانب بلوچ کلچر ڈے کے حوالے سے پورے بلوچستان کو مبارکباد پیش کرتی ہوں ہماری ثقافت ہماری روایتوں کاامین ہے ۔غیور اور بہادر اقوام ہمیشہ اپنی ثقافت کے ساتھ جڑی رہتی ہیں ۔ اور اپنی ثقافت پر فخر محصوص کرتی ہیں ۔
کوئٹہ: پاکستان تحریک انصاف کے صوبائی رہنما حمزہ خان ناصر نے کہا ہے کہ گوادر سی پورٹ پاکستان اور خاص کر بلوچستان کیلئے گیم چینجر کی حیثیت رکھتا ہے گوادر کی تکمیل سے ملک میں روزگار کے وسیع مواقع میسر ہونگے۔
کوئٹہ: پشتونخواملی عوامی پارٹی کے صوبائی پریس ریلیز میں کہا گیا ہے کہ کورونا وباء کے باعث ملک بھر میں ٹرانسپورٹ اور ریلوے نظام کی بندش کی گئی اور سفری پابندیاں عائد کردی گئی تھی لیکن ملک بھر میں اب ٹرانسپورٹ اور ریلوے نظام دونوں مکمل طور پر بحال ہوچکے ہیں لیکن کوئٹہ سے چلنے والی ملک کے مختلف اضلاع کیلئے ٹرینوں کی تاحال بندش اب تک قابل افسوس اور قابل مذمت ہیں۔
کوئٹہ: وزیراعلی بلوچستان جام کمال خان نے کہا ہے کہ ہمارا صوبہ مختلف اقوام، قبیلوں اور رنگ و نسل سے تعلق رکھنے والے لوگوں کا گلدستہ ہے۔ ہمارے صوبے کی منفرد ثقافت، روایات اور تہذیب و تمدن یہاں بسنے والے لوگوں کی پہچان ہے بلوچ کلچر ڈے کی مناسبت سے وزیر اعلی نے اپنے پیغام میں کہا ہے کہ زندہ اور باشعور قومیں اپنے ثقافتی و روایاتی اقدار اور تاریخی ورثے کا تحفظ کرتی ہیں۔
کوئٹہ: نیشنل پارٹی کے صوبائی ترجمان نے جاری بیان میں کہا ہے کہ قوموں کی وجود انکی ثقافت رسم ورواج اور زبان سے منسلک ہوتے ہیں۔اور زندہ قوموں کی ثقافت ہی زندہ رہتی ہے۔
کوئٹہ: بلوچستان ہائی کورٹ کے چیف جسٹس جناب جسٹس جمال خان مندوخیل نے کہاہے کہ آئین اور جمہوریت ہمیں ڈسپلن دیتاہے لیکن بدقسمتی سے ہم نے وہ ڈسپلن چھوڑ دی ہے اورلوگ جہتوں میں تقسیم ہوگئے ،معاشرے میں پایاجانے والا تشدد خطرناک ہے جس کے خاتمے کیلئے ہم سب کو مل کر کرداراداکرنے کی ضرورت ہے ،عوام کو انصاف فراہم کرنے کا پہلا زینہ حکومت دوسرا عدلیہ ہے۔
نوشکی: نیشنل پارٹی وبی ایس او پجارکے زیراہتمام امن وامان کی ابترصورتحال کے سلسلے میںضلعی انتظامیہ وپولیس کی نااہلی کیخلاف گل خان نصیرچوک پراحتجاجی مظاہرہ کیاگیا،پولیس اورضلعی انتظامیہ کیخلاف نعرے بازی کی گئی۔
کوئٹہ: جمعیت علما اسلام کے صوبائی مجلس شوریٰ کا اجلاس صوبائی امیر مولانا عبدالواسع کی زیر صدارت ہوا، جس میں صوبے بھر سے صوبائی مجلس شوری کے مجلس عاملہ اور پارلیمانی ارکان شریک ہوئے اجلاس میں دیگر امور کے ساتھ ساتھ جمعیت علما اسلام اور پی ڈی ایم کے فیصلوں اور ملک کی سیاسی صورتحال کا تفصیلی جائزہ لیاگیا۔ اس موقع پر مولانا عبدالواسع نے کہاکہ جمعیت علما اسلام ملک گیر سیاسی و مذہبی جماعت ہے۔
اسلام آباد: لاپتہ افراد کیلئے قائم قومی کمیشن نے 28فروری 2021تک 4976 کیسز نمٹا دیئے۔ لاپتہ افراد کے لئے قائم قومی کمیشن کے صد ر جسٹس جاوید اقبال کی ذاتی کوششوں کے نتیجہ میں یہ نمایاں کامیابی حاصل ہوئی ہے۔ لاپتہ افراد کمیشن کے سیکرٹری کی جانب سے فروری 2021کی جاری کی گئی رپورٹ کے مطابق چیئرمین جسٹس جاویداقبال کی قیادت میں لاپتہ افراد کمیشن نے لاپتہ افراد کی تلاش کے لئے کوششیں جاری رکھیں۔
کوئٹہ: بلوچستان سرمایہ کاری بورڈ کے چیف ایگزیکٹو فرمان زرکون نے کہا ہے کہ بلوچستان میں موجود سرمایہ کاری کے بے شمار مواقع کو دنیا کے سامنے لانا ہمارا مشن ہے، اس مقصد کیلئے کئی ممالک کیساتھ کامیاب ویب نارز کا انعقاد کیا گیا۔