کوئٹہ: سابق وزیر اعلی بلوچستان نواب محمد اسلم رئیسانی نے کہا ہے کہ فیڈریشن میں قومی و پارلیمانی جمہوریت کیلئے نئے سماجی معاہدے کی ضرورت ہے، وفاقی وزیر داخلہ کو دہشت گردی کے واقعہ کا علم ہو جاتا ہے، اب ریاست کا فرض بنتا ہے کہ پی ڈی ایم کے قائدین کے حفاظت کے لیے ہر ممکن اقدامات کریں۔ گزشتہ روز سماجی رابطے کی ویب سائٹ ٹوئٹر پر اپنے جاری کردہ پیغام میں نواب محمد اسلم رئیسانی نے کہا کہ پاکستان میں وفاق کی سیاست کا حال ہم سب دیکھ رہے ہیں۔
قلات: صوبائی وزیر داخلہ میر ضیا لانگو نے کہا ہے کہ قلات میں بچے کے ساتھ اجتماعی زیادتی اور قتل کسی المیہ سے کم نہیں، پولیس اور ضلعی انتظامیہ نے ملزمان کو گرفتار کرلیا ہے، دہشت گردی پورے ملک کا مسئلہ ہے تاہم موجودہ حکومت کے برسراقتدار آنے کے بعد سیٹیلرز اور ہزارہ برادری کی ٹارگٹ کلنگ کے واقعات میں نمایاں کمی آچکی ہے، پی ڈی ایم کے رہنماء غلط بیانی کرکے پروپیگنڈے کرنے میں مصروف عمل ہے۔
کوئٹہ: جمعیت علماء اسلام کے صوبائی امیر و رکن قومی اسمبلی مولانا عبدالواسع،مولوی سرور موسیٰ خیل،حاجی غوث اللہ، مولوی فیض محمد، مولوی امیر زمان، ضلعی امیر ژوب مولوی سرور، حاجی احسن خان شیرانی، رکن صوبائی اسمبلی حاجی نواز کاکڑ دین محمد سیگئی نے کہا ہے کہ جمعیت علماء اسلام موجودہ حکومت کے خاتمے تک چین سے نہیں بیٹھے گی، ملک میں آئین و قانون کی پامالی کسی صورت برداشت نہیں کی جائے گی۔
کوئٹہ: پبلک اکاونٹس کمیٹی کا اجلاس محکمہ ثانوی تعلیم کے ساتھ بلوچستان صوبائی اسمبلی کے کمیٹی روم میں منعقد ہوا جس کی صدارت چیئرمین پی اے سی اخترحسین لانگو نے کی۔اجلاس میں ممبران کمیٹی زابد علی ریکی، محمد نواز کاکڑ، ملک نصیر احمد شاہوانی اور نصراللہ زیرے نے بھی شرکت کی۔ محکمہ کے مختلف پیراز اور کمپلائنس رپورٹس پر محکمہ تعلیم کے پرنسپل آکاونٹننگ آفیسرثانوی تعلیم شیر خان بازئی اور ڈائریکٹر جنرل ثانوی تعلیم نظام الدین مینگل کی اکانٹنٹ جنرل بلوچستان فرخ سہیل ملک اور ڈی جی آڈٹ غلام سرور مندوخیل سے تفصیلی بحث ہوئی۔
کوئٹہ: لاپتہ افراد کی بازیابی کے حوالے سے قائم وفاقی حکومت کے کمیشن نے کوئٹہ میں سماعت کا آغاز کردیاکمیشن میں پیر کوپہلے روزبارہ لاپتا افراد کے حوالے سے کیسز سنے گئے ایک لاپتہ شخص کا سراغ لگا لیا گیالاپتہ شخص کے کوئٹہ جیل میں موجودگی کی تصدیق ہوگئی۔
کوئٹہ: ڈائریکٹر جنرل انڈسٹریز و چیئرمین ضلعی پرائس کنٹرول کمیٹی کوئٹہ محمد داؤد بازئی نے کوئٹہ میں 250گرام روٹی 20روپے میں فروخت کرنے کا نیاحکم نامہ جاری کردیا دوسری جانب نان بائیان ایسوسی ایشن کے صدر محمد رضا خلجی نے نئے نرخنامہ کو مسترد کرتے ہوئے موقف اختیار کیاکہ ضلعی انتظامیہ کی جانب سے نیا اور مناسب ریٹ دینے کی بجائے ان کے ساتھ سنگین مذاق کیا گیا ہے۔
کوئٹہ: کوئٹہ میں سی ٹی ڈی پولیس نے کارروائی کے دوران مبینہ دہشت گرد کو گرفتار کرکے اسلحہ وگولہ بارود برآمد کرلیا۔ سی ٹی ڈی ترجمان کے مطابق پیر کو سی ٹی ڈی نے خفیہ اطلاع ملنے پر کوئٹہ کے علاقے قمبرانی روڈ پر واقع انگور کے باغ میں کارروائی کرتے ہوئے کالعدم تنظیم کے اہم مبینہ دہشت گرد کو گرفتار کرکے۔
کوئٹہ: کمشنرکو ئٹہ ڈ ویژن اسفندیار خان نے کہا کہ کو ئٹہ ڈویژن کے تینوں اضلاع میں موسم سرما میں شدید بارشوں اور برف باری کے پیش نظر ہنگامی صورت حال سے بروقت نمٹنے کے لیے ایمرجنسی پلان مرتب کیے جائیں تاکہ کسی بھی ہنگامی صورتحال میں لوگوں کو جلداز جلد ریسکو کرکے محفوظ مقامات تک پہنچایا جاسکے اس کے علاوہ پشین اور قلعہ عبداللہ میں ایمرجنسی کیمپس قیام کیے جائیں تاکہ لوگوں کو وہاں منتقل کیا جاسکے۔
کوئٹہ: بلوچ اسٹوڈنٹس آرگنائزیشن کے مرکزی ترجمان نے جاری کردہ بیان میں کہا ہے بلوچستان میں 27 سو اسکول اساتذہ کے نہ ہونے کی وجہ سے بند پڑھے ہوئے ہیں بلوچستان میں 60 فیصد سے زائد بچے اسکولوں سے باہر ہے حکومتی و این جی اوز کے نام نہاد تعلیمی مہم صرف کاغذوں و اخبارات تک محدود ہے جبکہ سی ٹی ایس پی کے تحت شارٹلسٹڈ اساتذہ کرام گذشتہ ایک کئی عرصے سے پریس کلب کوئٹہ و مختلف اضلاع میں سرآپا احتجاج ہے۔
کوئٹہ: جمعیت علمااسلام پاکستان کے مرکزی رہنما سابق سنیٹر حافظ حمداللہ نے کہا ہے کہ آمریت اور آمریت کے زیر سایہ حکومت قبول نہیں،عوامی رائے کے برعکس سلیکشن کمیٹی کی سلیکٹ شدہ قابض حکومت عوام کی نمائندگی کی اہل نہیں ان کا اقتدار میں رہنا ملک و قوم کی مفاد کیلئے زہر قاتل ہے۔ ان خیالات کااظہار انہوں نے گزشتہ روز سانگھڑ صوبہ سندھ میں منعقدہ سیرت النبی و تحفظ ختم نبوت کانفرنس سے خطاب کرتے ہوئے کہی۔