کوئٹہ: جمہوری وطن پارٹی کے پارلیمانی لیڈر وصوبائی مشیر بلدیات نوابزادہ گہرام بگٹی نے کہاہے کہ تحریک عدم اعتماد جمہوری حق الزام تراشی سے گریز کرناچاہیے ،کوئی رکن لاپتہ نہیں ایم پی اے ہاسٹل خالی ہے سب اپنے گھروں میں ہونگے ،ایم پی اے ہاسٹل خالی ہے تو کیا ہم الزام لگادیں کہ اپوزیشن ارکان لاپتہ ہوئے ہیں ۔
کوئٹہ: پاکستان پیپلز پارٹی کے مرکزی رہنما و بلوچستان اسمبلی میں پارلیمانی لیڈر سابق وزیراعلی بلوچستان چیف آف جھالاوان نواب ثنااللہ خان زہری سے جھالاوان ہاؤس کراچی میں منگچر کے قبائلی وسیاسی شخصیت سردار زادہ شاہ فیصل لانگو نے ملاقات کی چیف آف جھالاوان نواب ثنااللہ خان زہری نے کہاکہ نوجوان ملک وقوم کے لیے ریڑھ کی ہڈی کی حیثیت رکھتے ہیں پاکستان پیپلز پارٹی میں نوجوانوں کی جوق در جوق شمولیت سے ہمارے حوصلوں کو بڑھاوا ملتا ہے۔
کوئٹہ: بلوچستان نیشنل پارٹی کے سربراہ سردار اخترجان مینگل نے سماجی رابطے کے ویب سائٹ ٹویٹر پر اپنے پیغام میں کہاہے کہ خواتین ارکان اسمبلی کی اغواء افسوسناک وغیر اخلاقی عمل ہے اس عمل کا جو بھی ذمہ دار ہے انہیں اپنے اعمال سے متعلق جواب دہ ہوناچاہیے۔
خضدار: بلوچستان نیشنل پارٹی ضلع خضدار کے صدر شفیق الرحمن ساسولی نے اپنے جاری کردہ بیان کہاہے کہ بلوچوں کو ان کے ہی وطن پہ در بدر کرنے کا سلسلہ ہنوز جاری ہے، ہمارے پیر جوان مرد و عورت اور بچوں کو شہید و بے گواہ کرنے بعد نام و نہاد سیکورٹی کے نام پر ہمیں بے گھر کرنے کا سلسلہ تیز کیاگیاہے۔
کوئٹہ: وائس فار بلوچ مسنگ پرسنز کے چیرمین نصراللہ بلوچ نے اپنے جاری کردہ بیان میں کہا کہ انکے انکل علی اصغر بنگلزئی کی جبری گمشدگی کو 20 سال کا طویل عرصہ مکمل ہوا علی اصغر سابق آمر جنرل مشرف دور میں بلوچستان سے جبری گمشدگی کے شکار ہونے والا پہلا شخص ہے۔
کوئٹہ : چیف آف سراوان وسابق وزیراعلیٰ بلوچستان نواب محمداسلم رئیسانی نے کہاہے کہ ملٹری ہو یاسول بیوروکریسی پاکستان میں ہمیشہ بیوروکریسی نے غبن کیاہے ،آئین میں تعین کردہ آئینی مدت کسی بھی وزیراعلیٰ یا وزیراعظم کا آئینی حق ہے لیکن دھاندلی زدہ حکومت کاحق نہیں بنتا کیونکہ اس وقت پورا پاکستان چیخ رہاہے کہ موجودہ حکومت دھاندلی زدہ ہے،جام کمال سے باہر کا کوئی شخص استعفیٰ نہیں مانگ رہا بلکہ ان کے اپنے لوگ استعفیٰ مانگ رہے ہیں جو کل تک ان کا قاعدہ پڑھ رہے تھے ،پاکستان میں ہمیشہ جمہوریت کوپنپنے نہیں دیاگیاہے۔
کوئٹہ : اسپیکر بلوچستان اسمبلی عبدالقدوس بزنجو نے کہا ہے کہ تحریک عدم اعتماد جمع ہو چکی ہے اب اسمبلی میں فیصلہ ہوگا۔گزشتہ روز اپنے بیان میں عبدالقدوس بزنجو نے کہا کہ اگر وزیراعلی بلوچستان جام کمال تحریک کا مقابلہ کرنا چاہتے ہیں تو مقابلہ کرلیں، قواعد کے مطابق تحریک 20 اکتوبرکو اسمبلی میں پیش… Read more »
کوئٹہ: پشتونخواملی عوامی پارٹی کے سربراہ محمود خان اچکزئی نے کہاہے کہ ایک دوسرے بزورطاقت اقتدار چھیننے کا سلسلہ ختم کرنا ہوگا،ہمارے عقل کاامتحان ہے ایک اور جنگ ہمارے اوپرمسلط کی جارہی ہے ،لوگ بڑی بے شرمی سے کہتے ہیں کہ پشتون افغان کامطلب دہشتگرد پشتون قطعاََ دہشت گرد نہیں ہے ،دنیا جہاں کے لوگ اورجاسوس لکھ کرگئے ہیں کہ پشتون افغان انتہائی ملن سار اور مہمان نواز لوگ ہیں ،خواتین کی تعلیم اورعزت سے متعلق دنیا ہمیں نہ بتائیں ہم واحد قوم ہے جو عورت کوعزت سمجھتے اور دیتے ہیں ،ہمارے ہاں مرد کیلئے طلاقی کا لفظ سب سے بڑی گالی ہے ۔ان خیالات کااظہار انہوں نے گزشتہ روز مفتی محمود کانفرنس سے خطاب کرتے ہوئے کیا۔
کوئٹہ: عوامی نیشنل پارٹی کے صوبائی صدر وپارلیمانی لیڈر اصغر خان اچکزئی نے کہاہے کہ وزیراعلیٰ جام کمال کے خلاف تحریک عدم اعتماد جمہوریت کے ساتھ کھلواڑ ہے،اپوزیشن جماعتیں اسپیکر کے کس بات سے متاثر ہیں کہ انہیں غیراعلانیہ پارلیمانی لیڈر نامزد کئے ہوئے ہیں ،عوامی نیشنل پارٹی تحریک عدم اعتماد میں اکثریت کے ساتھ ہیں ،اپوزیشن کی یکجہتی سینیٹ الیکشن میں کیوںنظرنہیں آئی جب ایک جیتی ہوئی نشست حکومت کو دی گئی ۔
سکھر: پاکستان فیڈرل یونین آف جرنلسٹس کی جانب سے سکھر یونین آف جرنلسٹس کے زیر اہتمام سکھر پریس کلب میں پی ایم ڈی اے PMDA کے کالے قانون کے خلاف ” ملٹی اسٹیک ہولڈرز کنونشن زیر نگرانی پی ایف یو جے کے مرکزی نائب صدر لالہ اسد پٹھان کے انعقاد کیا گیا ، کنونشن میں شرکاء نے پاکستان میڈیا ڈویلپمنٹ اتھارٹی بل کو یکسر مسترد کرتے ہوئے کہا کہ میڈیا کی آواز کو دبانے کی کوششیں کی جارہی ہیں۔