حب: بلوچ عوامی موومنٹ کے مرکزی آرگنائزر رئیس نواز علی برفت ایڈووکیٹ نے کہا کہ کوئٹہ پولیس کا طلبہ وطالبات پر تشدد اوران کے خلاف مقدمات کا اندراج آمرانہ طرز حکمرانی کی عکاسی ہے ۔ طلبہ وطالبات پر ایسا تشدد آمروں کے ادوار میں بھی نہیں ہوا جیسا اس نام نہاد جمہوریت میں ہورہا ہے ۔
کوئٹہ: جھالاوان عوامی پینل کے سربراہ میر شفیق الرحمن مینگل نے گوادر میں قائد اعظم محمد علی جناح کی مجسمہ کو بم سے اڑانے کی شدید الفاظ میں مذمت کرتے ہوے کہا کہ ملک دشمن عناصر قوتیں بلوچستان کی ترقی اور خوشحالی نہیں چاہتے اور یہاں کے کچھ عناصر اپنے آقائوں کو خوش کرنے کیلئے ایسے حالات پیدا کرنا چاہتے ہیں قائد اعظم محمد علی جناح کے مجسمے پر حملہ نظریہ پاکستان پر حملہ ہے۔
کوئٹہ: پاکستان تحریک انصاف کے صدر ڈاکٹر منیر بلوچ نے اپنے جاری ہونے والے بیان میں کچلاک ٹو خضدار روڈ کو دو رویہ بنانے کے حوالے سے ٹینڈر جاری ہونے پر خوشی کا اظہارکرتے ہوئے کہا ہے کہ وزیراعظم عمران خان نے بلوچستان کے عوام کے ساتھ کیا گیااپنا ایک اور وعدہ پورا کردیا ہے روڈ کا ٹینڈر جاری ہونے پرڈپٹی اسپیکرقومی اسمبلی قاسم خان سوری اور وفاقی وزیر مراد سعید مبارکباد کے مستحق ہیں انکی روڈ کی تعمیر کے حوالے سے کی جانے والی کاوشوں کو ہمیشہ سنہروے حروف میں یاد رکھا جائے گا۔
کوئٹہ: بلوچستان عوامی پارٹی عوامی تخلیق اور احساس کا نام ہے بلوچستان کے موجودہ سیاسی حالات میں پارٹی کی سینیٹرقیادت کے لئے بلوچستان عوامی پارٹی کی بقاء اور روشن مستقبل اہم اور ہر چیزسے زیادہ مقدم ہے۔تاہم پارٹی کے پارلیمانی گروپ کی باہمی ناراضگی اور رسہ کشی ناصرف سینئر قیادت بلکہ پارٹی کارکنوں کے لئے بھی باعث تشویش ہے جسکا فوری اور مستقل حل بلوچستان کی پائیدارترقی خوشحالی اور سیاسی مستقبل کے لیے انتہائی ناگزیر ہے۔
کوئٹہ: پارٹی کا مرکزی قومی کونسل سیشن نومبر میں کوئٹہ میں منعقد ہوگا بلوچستان میں ماورائے عدالت قتل و غارت گری کے واقعات میں اضافہ ‘ سی ٹی ڈی کے ذریعے ماورائے قانون اقدامات کسی بھی صورت درست نہیں بلوچستان میں انسانی حقوق کی پامالی کے واقعات تش یشناک حد تک بڑھ چکے ہیں اجلت میں مردم شماری قابل قبول نہیں خاص کر بلوچستان میں جہاں لاکھوں افغان مہاجرین آباد ہیں صاف و شفاف مردم شماری ممکن دکھائی نہیں دیتی بلوچستان بالخصوص مکران ڈویڑن میں خواتین ‘ و بلوچ فرزندوں کی قتل و غارت گری کے واقعات باعث مذمت ہیں قانون کے رکھوالے خود قانون کی دھجیاں اڑا رہے ہیں۔
کوئٹہ: بلوچ اسٹوڈنٹس آرگنائزیشن کے مرکزی ترجمان نے بیان جاری کرتے ہوئے کہا ہے کہ انکی تنظیمی ساتھی بانک ہانی بلوچ جوکہ سردار بہادر خان وومن یونیورسٹی میں انگلش لٹریچر کی اسٹوڈنٹ تھیں، انکی 24 ستمبر کی شام کو فوتگی ہوئی ہے، جوکہ بی ایس او سمیت تمام طلبا کیلئے صدمہ انگیز خبر ہے۔ بانک ہانی بلوچ طلبہ سیاست میں انتہائی اہم کردار ادا کر رہی تھیں۔
ملتان: عوامی تحریک کے مرکزی جنرل سیکریٹری نور احمد کاتیار اور سندھی شاگرد تحریک کے مرکزی رہنماء کاشف ملاح نے پاکستان سرائیکی پارٹی کے صدر ملک اللہ نواز وینس اور پاکستان سرائیکی پارٹی کے چیف آرگنائزر احمد نواز سومرو سے ملتان میں ایڈووکیٹ ملک اللہ نواز وینس کی آفیس میں ملاقات کر کے ملک خاص طور پر سرائیکی وسیب اور سندھ کی سیاسی صورتحال پر تفصیلی گفتگو کی۔ اس موقع پر پاکستان سرائیکی پارٹی کے رہنماؤں نے عوامی تحریک کے رہنماؤں کو سرائیکی اجرک کے تحفے پیش کیے۔
کوئٹہ: پشتونخواملی عوامی پارٹی کے صوبائی پریس ریلیز میں میڈیکل انٹری ٹیسٹ دینے والے طلباء وطالبات کے پر امن احتجاج پر پولیس کی جانب سے ایک بار پھر سے لاٹھی چارج ،تشدد و گرفتاریوں پر سلیکٹڈ حکومت اور پولیس کے اس اقدام کی شدید الفاظ میں مذمت کرتے ہوئے کہا گیا ہے کہ اس قسم کے علم دشمن ، تعلیم دشمن اور طلباء وطالبات پر بہیمانہ تشدد وگرفتاریوں کی مثالیں آمریت کے دور میں بھی نہیں ملتی تھی۔
کراچی: آل پاکستان نیوز پیپرز سوسائٹی سال 2019ء سے 25ستمبر کو اخبارات کی خواندگی کے قومی دن کے طور پر منا رہی ہے ۔
کوئٹہ: بلوچستان بار کونسل کے وائس چیرمین قاسم علی گاجزئی، چیئرمین ایگزیکٹیو کمیٹی ایوب ترین ،ممبران بار کونسل راحب خان بلیدی ایڈووکیٹ اور امان اللہ کاکڑایڈووکیٹ نے اپنے ایک بیان میں پی ایم سی آن لا ئن ٹیسٹ کے خلاف احتجاج کر نے والے طلبا و طالبات پر لاٹھی چارج اوران کی گرفتاریوں کی مذمت کرتے ہوئے کہا ہے کہ نااہل صوبائی حکومت نے طلبا و طالبات پر تشدد کرکے آمریت کی بد ترین یاد تازہ کردی ہے کسی بھی معاشرے میں پرامن احتجاج طلبا کا بنیادی حق ہے۔