کوئٹہ : بلوچ اسٹوڈنٹس آرگنائزیشن کے مرکزی ترجمان نے بیان جاری کرتے ہوئے کہا ہے کہ بلوچستان میں سیاسی آوازوں کو نشانہ بناکر پرامن سیاسی جدوجہد میں رکاوٹیں کھڑی کرنا سمجھ سے بالاتر ہے۔ انھوں نے کہا پرامن احتجاج ہر شہری کا بنیادی حقوق میں سے ایک ہے لیکن بدقسمتی سے حکمران بلوچستان میں ہر جمہوری عمل کو بزور قوت کچلنے کی تسلسل کو برقرار رکھے ہوئے ہیں۔
کوئٹہ: پشتونخواملی عوامی پارٹی کے رہنمائوں نے کہا ہے کہ لورالائی ،جھالاوان اور مکران میڈیکل کالجز کے زیر تعلیم طلباء پر پاکستان میڈیکل کمیشن کی جانب سے دوبارہ ٹیسٹ اور امتحان کی شرط عائد کرنا درحقیقت ہمارے صوبے کے تعلیمی اور صحت کے نظام کو چیلنج کرنے کے مترادف اور اُس پر عدم اعتماد ظاہر کرنا ہے جو کسی بھی صورت ناقابل قبول ہے۔ کیونکہ ان میڈیکل کالجز کے طلباء نے ان کالجز میں داخلہ لیتے ہوئے صوبے کے تعلیمی نظام کے تحت اُس وقت کے داخلے کے تمام شرائط پورے کیئے تھے۔
گوادر: جی ٹی پر لنگر انداز، حفاظتی حصار اور سیکورٹی کے حوالے سے حساس سمندر والے علاقے میں سے ٹرالر کو بھگا کر لیجانا معمولی واقعہ نہیں گوادر جی ٹی گوادر پورٹ سے منسلک علاقہ ہے یہاں چوبیس گھنٹوں سیکورٹی الرٹ او ماہی گیروں کو سمندر میں شکار پر جانے کے لئے شناخت کرنی پڑتی ہے۔
کوئٹہ: کوئٹہ الیکٹرک سپلائی کمپنی(کیسکو) کے چیف ایگزیکٹیو آفیسر انجینئر محمد عارف نے کہا ہے کہ کیسکو اپنے صارفین کے فوری ریلیف کویقینی بنانے کیلئے مزید اقدامات کررہی ہے۔اس سلسلے میںصنعتی صارفین کے لیئے ون ونڈو آپریشن کے زریعے نئے پروگرام متعارف کئیے جا رہے ہیں۔ ان خیالا ت کا اظہار انہوں نے صنعتی صارفین کیلئے ون ونڈو آپریشن پروگرام کے افتتاحی تقریب کے دوران کیا ۔ اس موقع پر تقریب سے خطاب کرتے ہوئے چیف ایگزیکٹو آفیسرنے کہا ہے کہ کیسکو اپنے تمام صارفین کو سہولیات کی فراہمی کے لئے ہمہ وقت کوشاں ہے اور صنعتی صارفین کو مزید سہولت اور آسانی فراہم کرنے کے لئے ون ونڈو آپریشن کا آغاز کیا کر دیا گیا ہے
کوئٹہ : نیشنل پارٹی کے صوبائی ورکنگ کمیٹی کے دوسرے روز کا اجلاس زیر صدارت صوبائی صدر میر رحمت صالح بلوچ کوئٹہ میں منعقد ہوا۔اجلاس سے خطاب کرتے ہوئے نیشنل پارٹی کے صوبائی صدر رحمت صالح بلوچ نے کہا کہ 2018 کے انتخابات میں بلوچستان کی نمائندگی کو خرید فروخت اور دھاندلی کو بروئے کار لاتے ہوئے غیر جمہوری اور مسلط شدہ گروہ کو سونپا گیا۔اب بلوچستان میں حکومت تو یرغمال ہی ہے لیکن اپوزیشن بھی یرغمال ہے۔
کوئٹہ: جمعیت علماء اسلام پاکستان کے سینئر رہنما اور ممتاز پارلیمنٹرین حافظ حسین احمد نے کہا ہے کہ اپوزیشن لیڈر میاں شہباز شریف پی ڈی ایم کے 23مارچ کے طے شدہ لانگ مارچ سے جان چھڑانے کے لیے پیپلزپارٹی کے کندھے کو بڑی ہوشیاری سے استعمال کرنا چاہتے ہیں اس لیے اپنی طرف سے دیئے گئے ظہرانے میں پی ڈی ایم کے صدر اور سیکریٹری جنرل کویکسر ’’نظرانداز‘‘ کیا گیا۔ وہ اتوار کو اپنی رہائشگاہ جامعہ مطلع العلوم میں میڈیا سے گفتگو کررہے تھے ۔
کوئٹہ : کنوینئر ذیلی کمیٹی برائے قائمہ کمیٹی وزارت داخلہ سینیٹر ثمینہ ممتاز زہری نے پنجگور اور نوشکی میں فورسز کے کیمپوں پر دہشت گردوں کے حملوں کی شدید الفاظ میں مذمت کی ہے اور کہا ہے کہ دہشتگردوں کے ناپاک عزائم کبھی بھی کامیاب نہیں ہوں گے۔ہماری بہادرپاک افواج اور دیگر سیکیورٹی فورسز دہشتگردی کے خلاف تاریخ رقم کر رہی ہیں۔
کوئٹہ : کوئٹہ سریاب علاقے کے مقامی باشندے محمودعلی خان کے مطابق کوئٹہ کا نواحی علاقہ قدیم آبادی مشتمل ہے،کوئٹہ شہر کا تقریباً آدھا حصہ سریاب پر ہی مشتمل ہے۔نصف صدی قبل یہاں پر کاریز کا نظام بڑا پائیدار تھا۔
کوئٹہ: پاکستان ور کرز فیڈریشن کے مرکزی چیر مین ماما سلام بلوچ صوبائی صدر حاجی عبد الکریم جنرل سیکرٹری پیر محمد کاکڑاسلام شاہ عزیز احمد سارنگزئی ناصر راہی ملک سعیدجان لہڑی حاجی افضل مینگل حاجی خدائے رحیم نعمت خان کاکڑحاجی علی گل اصغر لودھی شمس خان خلجی آغا ذلفقار شاہ عنایت اللہ ترین محمدعمر ودیگر نے حکو مت کے جانب سے C&Wکے 361ملازمین کے بحالی کا خیرمقدم کرتے ہو ئے کہا کہ یہ ایک احسن اقدام ہے جس سے بلوچستان کے ملازمین میں خوشی کی لہر دوڑ گئی اور یہ امید پیدا ہوگئی کہ بلوچستان گرینڈ ایمپلائز اینڈ ور کرز الائنس کے دیگر تسلیم شدہ مطالبات پر بھی عمل در آمد کرتے ہوئے منظوری دینگے۔
کوئٹہ: بلوچستان میں پائیدارامن اور ترقی کے لیے مشترکہ سوچ کو فروغ دینے کی ضرورت ہے۔سیاسی وابستگی سے قطع نظر پاکستان کی سلامتی بلوچستان میں پائیدارامن اسکی دامی ترقی اور صوبے کو درپیش مسال کے حل کے لیے ہم سب کو مل کرکام کرنا ہوگا۔یہ بات بلوچستان عوامی پارٹی کے مرکزی رہنما سینر صوبائی وزیر سردار صالح بھوتانی نے بی اے پی کے سیکرٹری اطلاعات چوہدری شبیر کی قیادت میں پارٹی کے لیبر ونگ کے عہدیداروں کے وفد سے بات چیت کرتے ہو ئے کہی۔