مستونگ : گیس کی غیر اعلانیہ لوڈشیڈنگ اور پریشر کی شدیدکمی بجلی کی طویل لوڈ شیڈنگ کے خلاف خواتین سراپا احتجاج بچوں کے ہمراہ کوئٹہ کراچی قومی شاہراہ پر دھرنا دے کر روڈ بلاک کر دیا۔

کوئٹہ:  نوشکی کے علاقے میں دو گاڑیوں میں تصادم کے نتیجے میں 6افرادزخمی ہوگئے

کراچی: پولیس اور رینجرز نے پرانا گولیمار سے کالعدم تنظیم بی ایل اے کے7 کارندوں کو گرفتار کر لیا۔گرفتار ملزمان میں صابر، ولید، محمد عدنان، فیصل، محمد فہیم، سمیر اور احسان پٹھان شامل ہیں۔

کوئٹہ : کوئٹہ ڈویلپمنٹ پیکج کے تحت کوئٹہ کے زرغون روڈ کی توسیع کاکام شروع کردیا گیا ڈویلپمنٹ پیکج کے عملے نے زرغون روڈ پر ریلوے آفیسران کے بنگلوں کی چار دیواری گرادی بنگلوں کی چار دیواری گرنے پر ریلوے ملازمین کا اہل خانہ کے ہمراہ احتجاج کیا ۔

بلوچ اسٹوڈنٹس ایکشن کمیٹی حب زون کی جانب سے لسبیلہ پریس کلب کے سامنے لگائی دو روزہ کتب میلہ پر پولیس نے دھاوا بول کر وہاں موجود دوستوں کو ہراساں کرکے ان کی پروفائلنگ کی اور کتب میلہ کو زبردستی ختم کروایا دیا۔ ایک طرف معاشرے کے بچے کتب خریدنے دوردراز سے آئے ہوئے تھے اور کتابیں خریدرہے تھے جبکہ دوسری جانب پولیس کتابوں کو زبردستی غنڈہ گردی سے ہٹوانا انتہائی افسوسناک و شرمناک ہے۔

کوئٹہ:نیشنل پارٹی کے مرکزی خواتین سیکرٹری یاسمین لہڑی نے اپنے مذمتی بیان میں کہا کہ نیشنل پارٹی کے مرکزی صدر ڈاکٹر عبد المالک بلوچ کے فارم ہاوس میں آئی ڈی ایم مواد بچھانا سازشی عناصر کی عزائم ہے لیکن ایک قومی لیڈر کی گھر میں ایسے مواد بچھانا نہ انہیں نہ پارٹی کو جمہوری سیاست سے روکھا جاسکتا ہے کیونکہ نیشنل پارٹی ایک ڈیموکریٹک پارٹی ہے نیشنل پارٹی کی سیاست عدم تشدد کی سیاست ہے یہی ہمارے اکابرین کا جدوجہد کا محور رہا ہے لیکن سازشی عناصر بلوچستان میں انارکی پھیلانا چاہتے ہیں

کوئٹہ: آل اسٹوڈنٹس الائنس نے اپنے جاری کردہ بیا ن میں کہا کہ پانچ ماہ گزر جانے کے باوجود 2021/2023 ADA/ADS کے نتائج کا اعلان نہ ہونا بلوچستان یونیورسٹی انتظامیہ کی نااہلی ہے اور اس کے ذمہ دار کنٹرولر بلوچستان یونیورسٹی کو فوری طور پر برطرف کیا جائے۔

کوئٹہ :بی ایس او پجار کے مرکزی ترجمان نے جاری کردہ بیان میں کہا ہے کہ انسانی حقوق کے مسائل بلوچستان میں سنگین شکل اختیار کرتے جارہے ہیں بلوچستان میں آپریشن کا اعلان ریاستی غلطیوں کا تسلسل ہے بلوچستان میں آپریشن غیر اعلانیہ پہلے سے چل تو رہا ہے جس کی مثال نوجوانوں کو گھروں سے ہاسٹلوں سے چھاپہ مار کر غالب کرنا انکے مسخ شدہ لاشیں پھینکنا کسی سے ڈھکی چھپی نہیں، ریاست اور اس کے پالے ہوئے فارم 47 سلیکٹڈ سرکار نے اس کا باقاعدہ اعلان کرکے یہ ثابت کیا کہ وہ بھی بلوچستان میں ظلم و جبر میں ماضی کی طرح اس بار بھی حصہ ڈالیں گے۔

محکمہ داخلہ بلوچستان کے مطابق کوئٹہ سمیت صوبے بھر میں دھرنے ،ریلی اور جلسوں پر پابندی عائد ہونے کے ساتھ ساتھ پانچ یا پانچ سے زائد افراد کے اجتماع پر بھی پابندی عائد ہوگی۔

کوئٹہ: نیشنل پارٹی کے مرکزی سیکرٹری جنرل میر کبیر احمد محمدشہی نے کہا ہے کہ نئے فوجی آپریشن کے نام پر بلوچستان میں دہائیوں سے جاری طاقت کے استعمال میں مزید اضافے کا اعلان حکمرانوں کی آمرانہ سوچ کی عکاسی کرتا ہے