قلات : ضلع کونسل قلات کے چیئرمین شپ کے الیکشن میں مسلم لیگ ن جے یوآئی اتحاد نے میدان مار لیانیشنل پارٹی اور بی این پی اتحاد کو شکست نوابزادہ میر ببرک خان زہری نے چھبیس ووٹ لیکر کامیابی حاصل کی نیشنل پارٹی کے میر عبداللہ لانگو نے چودہ ووٹ حاصل کیئے ۔

کوئٹہ: الیکشن کمیشن آف بلوچستان نے عبدالرحیم مندوخیل کی وفات کے بعد خالی ہونیوالی قومی اسمبلی کی نشست پر ضمنی انتخابات کا شیڈول جاری کردیا۔ حلقہ این اے260کوئٹہ کم چاغی کم نوشکی پر پولنگ15 جولائی کو ہو گی ۔

کوئٹہ : بلوچ اسٹوڈنٹس آرگنائزیشن آزاد کے مرکزی ترجمان نے معلمِ آزادی شہید پروفیسر صباء دشتیاری کی چھٹی برسی کے موقع پر ان کی قربانیوں کو سلام پیش کرتے ہوئے کہا کہ شہید صباء نے بلوچی زبان و ادب، سیاست اور قومی آزادی کے حصول کے لئے گران بہا خدمات انجام دیں۔

کوئٹہ: پاکستان پیپلزپارٹی بلوچستان کے صدرحاجی علی مدد جتک ،جنرل سیکرٹری سید اقبال شاہ ،سیکرٹری اطلاعات سردارسربلند جوگیزئی اور سیکرٹری فنانس ملک عبدالحمیدکاکڑ نے کہا ہے کہ صوبائی حکومت امن و امان برقرار رکھنے میں بری طرح ناکام ہوچکی ہے سیکرٹری ہائیر ایجوکیشن عبداللہ جان اور کوئٹہ سے اغواء ہونے والے چینی باشندوں کی عدم بازیابی حکومت کی کارکردگی پر سوالیہ نشان ہے ۔

تربت: ایران سے زیارت کے بعد واپس وطن آنے والی زائرین کی بس میں ایرانی بارڈر کے قریب آگ لگنے کے نتیجے میں 5 زائرین جھلس کر زخمی ہوگئے۔

کوئٹہ: جامعہ بلوچستان کے وائس چانسلر کے خلاف پریس کلب کوئٹہ کے سامنے بھوک ہڑتالی کیمپ 22 ویں روز بھی جاری رہا ۔

کوئٹہ : لاپتہ بلوچ اسیران وشہداء کے بھوک ہڑتالی کیمپ کو 2683دن ہوگے اظہار یکجہتی کرنے والوں میں علی حسن کھوسہ ایڈوکیٹ ،اسد اللہ ابڑو ایڈوکیٹ ،منیراحمد جتوئی ایڈوکیٹ اور دیگر وکلاء برادری نے لاپتہ افراد ،شہداء کے لواحقین سے اظہار یکجہتی کی وائس فار بلوچ پرسن کے وائس چیئرمین ماما قدیر بلوچ نے گفتگو کرتے ہوئے کہاکہ چند دن پہلے میں لکھا تھا کہ وہ مردار پہاڑ کے دامن میں ایک بڑے کھائی میں انسانی ڈھانچے پڑے ہیں۔

کوئٹہ : بلوچستان کے وزیر صحت میر رحمت صالح بلوچ نے کہا ہے بلوچستان سے گزرنے والے سی پیک منصوبے کے روٹ پر 9ٹراما سینٹرقائم کئے جارہے ہیں ۔بلوچستان میں عطائی ڈاکٹر ایک بہت بڑا مافیا ہے جن کے خلاف کارروائی کی جارہی ہے۔

گڈانی : گڈانی شپ بریکنگ یارڈ کے پلاٹ نمبر50کے اسٹور کی بلڈنگ کا ایک حصہ گرنے سے 14محنت کش زخمی ،بروقت ریسکیو آپریشن سے مزدوروں کو طبی امداد دیکر انکی جانیں بچائی گئیں ،ڈپٹی کمشنر لسبیلہ کا سانحے کے فوری بعد RHC گڈانی کے ڈاکٹر کو فون، زخمیوں کو بہترین علاج معالجے کی سہولیات فراہم کرنے کی ہدایات جاری ۔

کوئٹہ : وزیراعلیٰ بلوچستان نواب ثناء اللہ خان زہری نے کہا ہے کہ موجودہ حکومت نے امن کے قیام کو یقینی بناتے ہوئے دہشت گردوں کے خطرناک نیٹ ورک کو توڑا ہے اب دہشت گردوں کے لئے بلوچستان میں کوئی جگہ نہیں اس لئے دہشت گرد اب بلوچستان میں حکومت کی رٹ کو تسلیم کررہے ہیں ہم عملی اقدامات سے پڑھا لکھا پرامن بلوچستان کا خواب شرمندہ تعبیر بنا کر رہیں گے ۔