واشنگٹن: ترجمان وائٹ ہاؤس نے کہا ہے کہ افغان فوج اور اشرف غنی امریکی توقعات پر پورا نہیں اترے۔ ترجمان وائٹ ہاؤس جین ساکی نے میڈیا سے گفتگو میں کہا کہ قطر کے دارالحکومت دوحا میں امریکی سفارتی دفتر کھولا جا رہا ہے۔ امریکہ کو طالبان کی حکومت تسلیم کرنے کی کوئی جلدی نہیں ہے۔

نیویارک: عالمی ادارہ صحت (ڈبلیو ایچ او) نے کہا ہے کہ کورونا کی ایک نئی قسم “مو” کو مانیٹر کیا جا رہا ہے۔“مو” نامی نئے کورونا ویریئنٹ کا سائنسی نام ’بی.1.621‘ ہے جس کے حوالے سے عالمی ادارہ صحت نے تشویش کا اظہار کیا ہے۔

افغانستان میں 20 سالہ طویل جنگ کا اختتام ہو گیا، سی این این نے انکشاف کیا ہے کہ امریکیوں کے کابل ایئرپورٹ سے نکلنے میں طالبان نے مدد فراہم کی ۔سی این این کا کہنا ہے کہ امریکی باشندوں کا باحفاظت انخلا طالبان کی مدد اور ان کی نگرانی میں ہوا ہے، امریکی فوج نے طالبان سے خفیہ مذاکرات بھی کیے ہیں۔

کابل: افغان طالبان نے حکومت کے قیام کے حوالے سے اہم ترین فیصلے کرلیے ہیں۔ حکومت سازی کے متعلق اہم فیصلے طالبان کی سپریم کونسل کے منعقدہ اجلاس میں کیے گئے جو اختتام پذیر ہو گیا ہے۔

امریکی نمائندہ خصوصی برائے افغانستان اور امریکا، طالبان امن معاہدے کے لیے مذاکرات کرنے والے زلمے خلیل زاد نے کہا کہ ہے اب طالبان کا امتحان ہے کہ کیا وہ اپنے ملک کو ایک محفوظ اور خوشحال مستقبل کی طرف لے جا سکتے ہیں جہاں ان کے تمام شہریوں، مرد خواتین کو اپنی صلاحیت تک پہنچنے کا موقع ملے۔انہوں نے کہا کہ کیا افغانستان اپنی متنوع ثقافتوں، تاریخ اور روایات کی خوبصورتی اور طاقت کو دنیا کے سامنے پیش کر سکتا ہے؟

پاکستان نے بھارت میں جوہری مواد کی چوری کے تازہ ترین واقعے پر تشویش کا اظہار کرتے ہوئے تحقیقات کا مطالبہ کیا ہے۔ترجمان دفتر خارجہ زاہد حفیظ چوہدری نے کہا کہ بھارت میں دو لوگوں کو تابکاری مواد کیلیفورنیم رکھنے کے الزام میں گرفتار کیا گیا ہے۔

اقوام متحدہ کی سلامتی کونسل میں افغانستان سے محفوظ انخلا کے حق میں قرار داد منظور کر لی گئی۔ منظور کی گئی قرارداد میں طالبان سے ملکیوں اور غیر ملکیوں کے محفوظ انخلاکی پاسداری کا مطالبہ کیا گیا ہے۔

امریکی صدر جوبائیڈن کا افغانستان سے مکمل انخلا کے بعد پہلا بیان سامنے آ گیا، کہا کہ اپنے کمانڈرز اور ان کے ماتحت کام کرنے والوں کا شکریہ ادا کرتا ہوں۔جوبائیڈن نے کہا کہ گزشتہ 17دنوں میں امریکی فوج نے تاریخی ہوائی آپریشن کیا، آج افغانستان میں ہماری 20 سالہ موجودگی ختم ہوگئی۔

کابل: ترجمان طالبان ذبیح اللہ مجاہد امریکی فوج کے انخلا کے بعد کابل ائیرپورٹ پہنچ گئے اور پورے افغانستان کو فتح پر مبارک باد دی۔ ترجمان افغان طالبان ذبیح اللہ مجاہد نے افغان عوام سے کہا کہ پورے افغانستان کو مبارک ہو، یہ ہماری فتح ہے۔

کابل سے امریکی و اتحادیوں کے انخلا کی ڈيڈ لائن کا کل آخری دن ہے۔ کابل میں چھ راکٹ حملوں کو ناکام بنانے کے بعد سیکیورٹی بڑھادی گئی۔