کوئٹہ: بلوچستان کی تاریخ گواہ ہے کہ جب بھی حق اور انصاف کی آواز بلند ہوئی، حکومتِ وقت نے اسے طاقت اور انتقام کے ذریعے دبانے کی کوشش کی۔ موجودہ صوبائی حکومت کی جانب سے بلوچستان گرینڈ الائنس کے جائز مطالبات کے جواب میں جبر و تشدد کا راستہ اختیار کرنا انتہائی شرمناک اور آمرانہ فعل ہے۔ تنظیم نہ صرف ان ملازم کش پالیسیوں کی مذمت کرتی ہے بلکہ اْن کے اس مزاحمتی عمل کو قدر کی نگاہ سے دیکھتی ہے، جو پچھلے کئی مہینوں سے سراپا احتجاج ہیں۔ لیکن ان کی شنوائی کی بجائے طاقت کے ذریعے انہیں کچلنے کا فیصلہ کیا گیا ہے۔
