کوئٹہ: پارلیمانی سیکرٹری برائے مذہبی امور دنیش کمار نے کہا ہے کہ آئندہ زکوۃ فنڈ سے یتیموں اور بیواؤں کو بینک کے ذریعہ پیسے نہیں دیں گے بلکہ ایزی پیسے کے ذریعہ ادائیگی کی جائے گی موجودہ زکوۃ کمیٹی کے چیئرمینوں کو جون کے بعد فارغ کردیں گے صاف و شفاف کمیٹیاں تشکیل دے کر میرٹ کی بنیاد پر کمیٹی چیئرمینوں کو لیا جائے گا ان خیالا ت کا اظہار انہوں نے میڈیا سے بات چیت کرتے ہوئے کیا۔

کوئٹہ: بلوچستان کے ضلع لورالائی میں دہشت گردی کا منصوبہ ناکام بنا دیا گیا ، ڈی آئی جی پولیس کے دفتر کے ساتھ نصب دیسی ساختہ برآمد کرلیا گیا۔

کوئٹہ: کوئٹہ میں بارش کے ساتھ ساتھ وقفے وقفے سے برفباری ہوئی جس سے موسم سرد ہوگیا۔ صوبے کے دیگر علاقوں میں بھی بارش اور برفباری کا سلسلہ جاری ہے۔ پشین میں مکان کی چھت گرنے سے چاربچے جاں بحق ہو گئے ،دالبندین میں ڈیم ٹوٹ گیا ۔محکمہ موسمیات کے مطابق بلوچستان بھر میں بارشوں کا سلسلہ وقفے وقفے سے جاری ہے ۔

لندن: وزیرخارجہ شاہ محمود قریشی کا کہنا ہے کہ بھارت مقبوضہ کشمیرمیں زمینی حقائق تبدیل کرنےکی کوشش کررہا ہے۔

خانیوال: تحصیل کبیروالا میں ماں اور بیٹی کو زیادتی کا نشانہ بنانے کے بعد قتل کردیا گیا۔

گوجرانوالا: پولیس نے اسکول کے باہر سے کمسن بچیوں کو اغواء کرنے والا ملزم گرفتار کرلیا۔

 کراچی: کلفٹن کے علاقے میں ماں نے اپنی ڈھائی سالہ بچی انعم کو سمندر میں ڈبو کر قتل کردیا۔

کوئٹہ : ایڈمنسٹریٹر کوئٹہ میٹروپولیٹن کارپوریشن غلام فاروق لانگو نے کہا ہے کہ صوبائی دارالحکومت کوئٹہ میں صفائی کے حوالے سے اقدامات سے عو ام اور وہ خود بھی مطمئن ہے اس سے قبل اس طرح کے اقدامات نہیں اٹھائے گئے کیونکہ اس سے پہلے جب کوئٹہ میں بارش ہوتی تھی تو کوئٹہ کی سڑکیں دریا کا منظر پیش کرتی تھی، سپریم کورٹ کے احکامات کی روشنی میں کوئٹہ کے مختلف شاہراہوں پر لگے بل بورڈزکیخلاف کارروائی بلا امتیاز جاری رہے گی ۔

واشک : جمعیت علما اسلام کے رکن صوبائی اسمبلی حاجی زابد علی ریکی نے کہا ہے کہ الزام عائد کیا ہے کہ اپوزیشن کے تمام اراکین صوبائی اسمبلی میں سے میں مبینہ طور پر صوبائی حکومت کے انتقام کا شکار ہوں میرے حلقے کے عوامی مینڈیٹ کا مذاق آڑا کر توئین کی جارہی ،گورنر و چیف سیکرٹری بلوچستان واشک کے عوام کے رائے تسلیم کرکے میرے حلقے میں مداخلت کا نوٹس لے ۔

کوئٹہ: سیکرٹری تعلیم و سکولز محمد طیّب لہڑی نے کہا ہے کہ صوبے میں معیار تعلیم کی بہتری خصوصاً لڑکیوں کی تعلیم پر خصوصی توجہ دے رہے ہیں۔ سکولوں میں تفریح اور کھیلوں کے سامان کی فراہمی کے لئے ٹھوس اقدامات اٹھائے جا رہے ہیں۔ لڑکیوں کی تکنیکی تعلیم کے شعبے میں شمولیت کے لئے تمام وسائل بروئے کار لائے جا رہے ہیں۔ گرلز سکولوں میں آٹوکیڈ آفس آٹومیشن سمیت آئی ٹی کے شعبوں پر خصوصی توجہ دی جا رہی ہے۔