کوئٹہ:وزیراعلیٰ بلوچستان میر سرفراز بگٹی نے سوشل میڈیا پر زرعی کالج کے احاطے میں درختوں کی کٹائی سے متعلق وائرل ہونے والی ویڈیوز اور تصاویر کا سخت نوٹس لیتے ہوئے فوری تحقیقات کا حکم دے دیا ہے وزیراعلیٰ نے اس واقعے کو ماحولیاتی تحفظ اور حکومتی پالیسیوں کے منافی قرار دیتے ہوئے واضح کیا ہے کہ درختوں کی غیر قانونی کٹائی کسی صورت برداشت نہیں کی جائے گی

کوئٹہ: وزیر اعلیٰ بلوچستان میر سرفراز بگٹی کی ہدایات پر بلوچستان ریونیواتھارٹی نے صوبائی ٹیکس نظام میں شفافیت اور ڈیجیٹلائزیشن کو فروغ دینے کیلئے الیکٹرانک انوائس مانیٹرنگ سسٹم (e-IMS) رولز 2026 متعارف کرانے کا فیصلہ کیا ہے۔

خضدار : خضدار ونگو ہل پر تیزرفتار پک اپ گاڑی الٹنے سے 4افراد جاں بحق اور متعدد زخمی ہوگئے تفصیلات کے مطابق گزشتہ رات خضدارشہدادکوٹ نیشنل ہائی وے ونگو ہل پرکے تیزرفتارپک اپ گاڑی الٹنے سے چار افراد جاں بحق متعدد زخمی ہوگئے ہیں جہاں ریسکیو ٹیموں نے گاڑی میں پھنسے افراد کو نکال کر لاشوں اور زخمیوں کو کرخ اورخضدار ٹیچنگ ہسپتال منتقل کیاگیا

کارروائی کے دوران علاقے میں قائم چار عارضی پناہ گاہوں کو بھی نذرِ آتش کر دیا گیا۔ گرفتار افراد کو مزید تفتیش کے لیے تحویل میں لے لیا گیا ہے جبکہ سیکیورٹی ذرائع کے مطابق ان سے پوچھ گچھ کا سلسلہ جاری ہے۔

کوئٹہ: کوئٹہ کے علاقے میں نامعلوم ڈرون مکان پر گر کر تباہ تین بچے زخمی ہو گئے پولیس حکام کے مطابق جمعہ کو کوئٹہ کہ ہنہ تھانہ کی حدود میں واقعہ کلی سنک میں عبدالرزاق نامی شخص کے گھر پر نامعلوم ڈرون گر کر تباہ ہو گیا جس کے نتیجے میں گھر میں موجود بی بی آمنہ، بی بی عالمہ سمیت تین افراد زخمی ہو گئے۔

بلوچستان اسمبلی اجلاس میں اسد بلوچ نے اظہار خیال کرتے ہوئے کہاہے کہ  آئین میں لکھا گیا ہے کہ مقامی زبانوں کو اہمیت دی جانی چاہیے۔ زبان بندی کرنے سے آنے والے وقت میں اچھے نتائج نہیں ہوں گے۔

بلوچستان اسمبلی اجلاس: وزیراعلیٰ بلوچستان میر سرفرازبگٹی نے اپنے خطاب میں کہا ہے کہ  نیشنل پارٹی نے دہشت گردی کی جنگ کے خلاف نقصان اٹھایا ہے۔ پورا ایوان دہشت گردی کی مذمت کرتا ہے۔ مقامی زبانیں معدوم ہو رہی ہیں اور ان میں دوسری زبانیں مکس ہو چکی ہیں، جبکہ بہت سے معاملات گرے ایریا میں چل رہے ہیں۔ اکیڈیمز کے آڈٹ میں کئی چیزیں سامنے آئیں اور بورڈ کا ممبر پرنٹنگ کی نگرانی کرے گا۔ یوتھ کو دل برداشتہ کرنے میں ایسی شاعری کا کردار ہے جو ریاست کے خلاف استعمال ہو رہی ہے، اس لیے حکومت کے پیسوں سے اکیڈیمی میں ایسی سرگرمیاں نہیں ہوں گی جو ریاست کو نقصان پہنچائیں۔

کوئٹہ: بلوچستان اسمبلی کا اجلاس جاری ہے جس میں بلوچستان پبلک سروس کمیشن سے متعلق اہم پیش رفت سامنے آئی۔ صوبائی اسمبلی میں بلوچستان پبلک سروس کمیشن کا ترمیمی مسودہ قانون 2026 پیش کیا گیا، جسے علی مدد جتک نے ایوان میں پیش کیا۔

کوئٹہ: اپوزیشن کے اراکین کو ایوان میں بات کرنے کی اجازت نہ دینے پر واک آؤٹ، نومنتخب رکن اسمبلی ضیاء اللہ لانگو نے اسمبلی رکنیت کا حلف اٹھا لیا، اسپیکر عبدالخالق اچکزئی نے ان سے حلف لیا جبکہ اراکین اسمبلی نے ضیاء اللہ لانگو کو حلف اٹھانے پر مبارک باد دی۔

تربت : یونین کونسل عبدوئی،اسپی کہن کے چیئرمین میر جاسم گہرام نے آئی جی ایف سی ساؤتھ اور حکومت بلوچستان سے مطالبہ کیا ہے کہ موجودہ بحرانی صورتحال کے پیش نظر عبدوئی بارڈر کو فوری طور پر کھولا جائے۔اپنے ایک اخباری بیان میں انہوں نے کہا کہ بارڈر سے ملحقہ علاقوں کے عوام کا زیادہ تر روزگار سرحدی تجارت سے وابستہ ہے، تاہم بارڈر کی مسلسل بندش کے باعث مقامی لوگ شدید معاشی مشکلات اور بے روزگاری کا سامنا کر رہے ہیں۔