کوئٹہ: جمعیت علماء اسلام کے حلقہ پی بی 36 قلات سے امیدوار سردار زادہ میر سعید احمد لانگو نے کہا ہے کہ 7 پولنگ اسٹیشنوں پر انتخابی فہرست میں ووٹوں کے اندراج کے مطابق 92 بیلٹ بکس کی ضرورت تھی لیکن متعلقہ آفیسران کی ملی بھگت سے صرف 34 بیلٹ بکس پولنگ اسٹیشنوں پر پہنچائے گئے 58 غائب بیلٹ بکس کے ذریعے مخالف امیدوار نے رات کی تاریکی میں ٹھپے لگاکر عوام کی حق رائے دہی پر ڈاکہ ڈالا گیا جس کے تمام ویڈیو شواہد اور مذکورہ پریزائیڈنگ آفیسر کے بیان ریکارڈ کا حصہ ہے اس ناروا عمل کے خلاف الیکشن کمیشن آف پاکستان اور بعد میں عدالت سے رجوع کروں گا تاکہ انصاف حاصل کرسکوں۔ ان خیالات کا اظہار انہوں نے اتوار کو کوئٹہ پریس کلب میں پریس کانفرنس کے دوران کیا۔ اس موقع پر پارٹی دیگر رہنماء بھی موجود تھے۔
کوئٹہ: امیر جماعت اسلامی بلوچستان و رکن صوبائی اسمبلی مولانا ہدایت الرحمن بلوچ نے کہا ہے کہ بلوچستان میں کئی دنوں سے پیٹرول، ڈیزل کی شدید قلت اور بارڈرز کی بندش نے عوام کی زندگی مفلوج کر دی ہے۔ حکومت بلوچستان کی نااہلی اور ناکام پالیسیوں کا خمیازہ غریب عوام بھگت رہے ہیں۔ صوبے کے مختلف شہروں میں ٹرانسپورٹ کا نظام متاثر ہے، کاروباری سرگرمیاں ٹھپ ہو چکی ہیں اور عام آدمی کو شدید مشکلات کا سامنا ہے۔انہوں نے کہا کہ بلوچستان کو سری نگر بنا کر تھانے میں تبدیل کر دیا گیا ہے، ہر طرف خوف، دہشت اور کرفیو کا سماں ہے۔ حکومتی رٹ نہ ہونے کے برابر ہے اور عوام خود کو غیر محفوظ محسوس کر رہے ہیں۔
کوئٹہ: وزیراعلیٰ بلوچستان میر سرفراز بگٹی نے کہا ہے کہ اسلام امن، آشتی اور انسانیت کی فلاح کا دین ہے، دنیا کو اس کا حقیقی پیغام سمجھنے کی ضرورت ہے دنیا بھر میں بڑھتے ہوئے اسلاموفوبیا کے رجحانات عالمی امن و استحکام کے لیے تشویشناک ہیں، مسلمانوں کے خلاف نفرت انگیز مہمات کے سدباب کے لیے عالمی برادری کو مشترکہ اور مؤثر اقدامات کرنا ہوں گے اقوام متحدہ کی جانب سے اسلاموفوبیا کے تدارک کے عالمی دن کا اعلان امت مسلمہ کی اہم سفارتی کامیابی ہے یہ بات انہوں نے اتوار کو اسلامو فوبیا کے تدارک کے عالمی دن کے موقع پر سماجی رابطے کی سائٹ ایکس پر اظہار خیال کرتے ہوئے کہی۔
بحری ٹینکروں کی نقل و حرکت پر نظر رکھنے والے پلیٹ فارم ٹینکر ٹریکرز کی رپورٹ کے مطابق امریکی حملےکے بعد ایران کے جزیرے خارگ سے بدستور ٹینکرز پر تیل لوڈ کیا جارہا ہے۔ ٹریکر پلیٹ فارم کے مطابق خارگ جزیرے پر 7 ٹینکر تیل لینے کے لیے کھڑےہیں جن میں سے 5 ٹینکروں پر… Read more »
کوئٹہ:سیاسی وقبائلی رہنما سابق وفاقی وزیر سردار یار محمد رند نے رند اور لاشاری قبائل کے مغویوں کے بازیاب ہونے پر مسرت کا اظہار کرتے ہوئے کہا ہے کہ خوشی ہے کہ بازیاب ہونے والے افراد عید کا پر مسرت تہوار اپنے اہلخانہ کیساتھ منائیں گے۔
کوئٹہ : بلوچستان نیشنل پارٹی کے مرکزی بیان میں مادری زبانوں میں شاعری کو حکمرانوں کی جانب سے خطرہ قرار دینے کے اقدام پر تشویش کا اظہار کرتے ہوئے کہا گیا ہے کہ یہ نہایت افسوسناک اور تشویشناک امر ہے کہ سرفراز بگٹی اپنی ہی مادری زبان اور اس کے ادبی ورثے کے خلاف اس طرح کے بیانات دے رہا ہے۔
کوئٹہ: پاکستان پیپلز پارٹی بلوچستان کے سینئر ایڈووکیٹ سید آغا ظہور شاہ، سینئر ایڈووکیٹ سپریم کورٹ ارباب فیاض، سینئر ایڈووکیٹ و سابق صدر پیپلز لائرز فورم بلوچستان انوار الحق کاکڑ اللہ والا، سینئر ایڈووکیٹ زعفران علی خان لونی، سینئر ایڈووکیٹ گل جتوئی، ایڈووکیٹ عدنان ابڑو، ایڈووکیٹ کامران، سینئر ایڈووکیٹ انور کاکڑ، سینئر ایڈووکیٹ شراف الدین، سینئر ایڈووکیٹ حمید کاکڑ، ایڈووکیٹ کلیم اللہ محمد شیخ، ایڈووکیٹ وزیر، ایڈووکیٹ تنویر شاہ وانی، ایڈووکیٹ علی خان کاکڑ، ایڈووکیٹ خالد خان اچکزئی، ایڈووکیٹ ہارون آفاق، ایڈووکیٹ نصر اللہ کاکوزئی، ایڈووکیٹ ریحان بابر، ایڈووکیٹ سمیع کاکڑ، ایڈووکیٹ غفار رند، ایڈووکیٹ ریحانہ، ایڈووکیٹ مولا داد بریچ، ایڈووکیٹ شراف الدین کاکڑ، ایڈووکیٹ شمس الدین کاکڑ، ایڈووکیٹ معین کاکڑ، ایڈووکیٹ ریحان جکرانی و دیگر نے اپنے ایک مشترکہ بیان میں کہا ہے کہ پیپلز لائرز فورم کی موجودہ صوبائی کابینہ جو مسلط شدہ حیثیت میں فورم پر قابض بیٹھی ہوئی ہے، اس نے پراسیکیوٹر جنرل بلوچستان کے آفس میں حالیہ اعلان کردہ آسامیوں پر ابھی سے بندربانٹ اور مبینہ لین دین کا سلسلہ شروع کر دیا ہے۔
کوئٹہ: پشتونخواء نیپ کے رہنمائوں نے کہا ہے کہ علاقائی زبانوں کے علمی اور ادبی اداروں کو کسی بھی قسم کے شکوک و شبہات کی بنیاد پر متنازع بنانے کے بجائے ان کی سرپرستی اور حوصلہ افزائی کی جانی چاہیے۔
