افغانستان کی کشیدہ صورتِ حال پر افغان حکومتی وفد اور طالبان کے درمیان مذاکرات آج قطر میں ہوں گے۔

چمن:  افغانستان کے سرحد ی علاقے سپین بولدک میں ایک با ر پھر افغان فورسز اور تحریک طالبان افغانستان کے جنگجوئوں کے درمیان چھڑپوں کاسلسلہ شروع ہو گیا ہے ۔ دونوں جانب سے بھاری جانی نقصانات کی اطلاعات مل رہی ہیں ،سپین بولدک کا کنٹرول حاصل کرنے کیلئے افغان فورسزکی بڑے پیمانے پر کا رروائی جبکہ طالبان کی جانب سے حملہ پسپاء کرنے کا دعویٰ کیا جا رہا ہے۔

قندھار: خبر ایجنسی رائٹرز کے صحافی دانش صدیقی صحافتی ذمہ داریاں انجام دیتے ہوئے جاں بحق ہوگئے۔

ازبکستان کے دارالحکومت تاشقند میں جاری کانفرنس میں وزیراعظم عمران خان اور افغان صدر اشرف غنی کی ملاقات ہوئی۔

مغربی یورپ میں کئی دہائیوں کے بدترین بارش اور سیلاب  نے تباہی مچادی۔ طوفانی بارشوں اور سیلاب سے جرمنی میں کم از کم 80 افراد ہلاک اور سیکڑوں لاپتہ ہوگئے۔

عالمی ادارہ صحت نے چین پر ایک بار پھر زور دیتے ہوئے کہا ہے کہ بیجنگ کورونا کی ابتدا سے متعلق تحقیقات میں دوبارہ تعاون کرے۔سربراہ ڈبلیو ایچ او نے کہا ہے کہ دنیا میں لاکھوں افراد وبا سے متاثر ہوئے، وبا کی حقیقت جاننا ان کا حق ہے تاہم وائرس لیبارٹری سے لیک ہوا یہ کہنا قبل از وقت ہو گا۔

بیونس آئرس: اسٹار فٹبالر لیونل میسی کے نجی طیارے کو بم کی اطلاع پر روک لیا گیا۔ لیونل میسی اپنے کلب سے نیا معاہدہ طے پانے کے بعد چھٹیاں گزارنے کے لیے امریکہ جا رہے تھے کہ ایک شخص نے ان کے نجی طیارے میں بم رکھنے کا دعویٰ کر دیا۔

کابل: افغان طالبان نے قیدیوں کی رہائی کے بدلے 3 مہینے کے لیے سیزفائر کی پیشکش کردی ہے۔ طالبان نے افغان حکومت کو جیلوں میں موجود طالبان قیدیوں کی رہائی کے بدلے 3مہینے کے لیے سیز فائر کی پیش کش کی ہے۔ افغان حکومت کی جانب سے طالبان سے امن مذاکرات میں شامل نمائندہ نادر نادری نے رپورٹرز کو بتایا کہ طالبان نے تقریباً 7 ہزار قیدیوں کی رہائی کا مطالبہ کرتے ہوئے کہا ہے کہ طالبان کے اہم رہنماؤں کے نام اقوام متحدہ کی بلیک لسٹ سے بھی نکالے جائیں تاہم یہ ایک بہت بڑا مطالبہ ہے۔

پاک افغان سرحد پر افغان سکیورٹی فورسز سے چھینی گئی چیک پوسٹوں سے طالبان کو 3 ارب پاکستانی روپے مل گئے۔افغان طالبان کی جانب سے جاری ایک بیان میں بتایا گیا ہے کہ افغان سکیورٹی فورسز سے خالی کروائے گئے قندھار کے علاقے اسپن بولدک میں افغان فورسز کی چیک پوسٹوں سے تقریباً 3 ارب روپے کی پاکستانی کرنسی برآمد ہوئی۔  

عرب ریاستوں اور اسرائیل کے درمیان تعلقات میں تیزی سے پیشرفت کا سلسلہ جاری ہے اور اسرائیل کی سرزمین پر متحدہ عرب امارات سفارتخانہ کھولنے والا پہلا عرب ملک بن گیا ہے۔