بنی گالہ: چیرمین تحریک انصاف عمران خان کا کہنا ہے کہ امریکی الزام پاکستانی حکومت کی لیے ایک سبق ہے کہ کبھی ڈالروں کے لیے پرائی جنگ کو اپنے آنگن تک نہیں لانا چاہیے۔

اسلام آباد: وزیراعظم شاہد خاقان عباسی کا کہنا ہے کہ حکومت قانون کی حکمرانی اور اداروں کی مضبوطی پر یقین رکھتی ہے۔

کراچی: ایم کیو ایم پاکستان نے آل پارٹیز کانفرنس ملتوی کردی ہے جب کہ کانفرنس کی نئی تاریخ کااعلان بعد میں کیا جائےگا۔

کوئٹہ: بلوچستان ہائیکورٹ نے ٹریفک سرجنٹ سرجنٹ کوگاڑی سے کچلنے کے کیس میں گرفتار ایم پی اے مجیداچکزئی کی درخواست ضمانت پر فیصلہ محفوظ کرلیا۔تفصیلات کے مطابق پبلک اکاؤنٹس کمیٹی بلوچستان کے چیئرمین عبدالمجید اچکزئی کی درخواست ضمانت کی سماعت اس سے قبل بلوچستان ہائیکورٹ کے چیف جسٹس محمد نور مسکانزئی اور جسٹس ہاشم خان پر مشتمل دو رکنی بنچ نے کی تھی۔

سبی: بلوچستان نیشنل پارٹی کے مرکزی رہنماء و سابق رکن قومی اسمبلی میر عبدالرؤف مینگل اور واجہ یعقوب بلوچ نے کہا کہ بلوچستان حکومت دن رات ترقی و خوشحالی اور جمہوریت کے دعوئے کرتے نہیں تھکتی جبکہ سیکرٹریٹ ملازمین جو اپنے حقوق کی بات کرتے ہیں تو ان کو گرفتار کرکے بلوچستان کی مختلف جیلوں میں بند کردیا جاتا ہے جو قابل مذمت عمل ہے۔

کوئٹہ : عید الاضحی کے موقع پر قربانی کے جانور وں کی قیمت آسمان سے باتیں کررہی ہے امیر وغریب دونوں پریشان وحیران ہیں تفصیلات کے مطابق عید الاضحی کا چاند دیکھنے کیلئے 22اگست کو انتظامات کئے گئے توقع ہے کہ عید 2یا 3ستمبر کو ہوگی ۔

اسلام آباد: وفاقی وزیرسیفران لیفٹیننٹ جنرل (ر) عبدالقاد ر بلوچ نے تجویز دیتے ہوئے کہاہے کہ قومی اسمبلی میں بلو چستان کی نشستیں 17 سے بڑھا کر 31کی جائیں اور بلو چستان کے ہر اضلاع کے لئے ایک نشست مختص کی جائے، بلوچستان میں حلقے بہت بڑے بنائے گئے ہیں ، میرا حلقہ 15ہزار سکوائر کلومیٹر پر مشتمل ہے۔

اسلا م آباد : پاناما لیکس سے متعلق سپریم کورٹ کے فیصلے کی روشنی میں قومی احتساب بیورو (نیب) نے سابق وزیراعظم نواز شریف اور ان کے بچوں کے خلاف تحقیقات کا آغاز کردیا ہے۔اس ضمن میں نیشنل بینک کے صدر سعید احمد نیب کی تفتیشی ٹیم کے سامنے پیر کو پیش ہوئے۔

راولپنڈی: ترجمان پاک فوج میجر جنرل آصف غفور کا کہنا ہے کہ سول ملٹری تعلقات میں کوئی تقسیم نہیں جب کہ ڈان لیکس رپورٹ حکومت کو منظر عام پر لانی ہے فوج کو نہیں۔

کراچی کے مختلف علاقوں میں تیز ہوا کے ساتھ بارش ہوئی جس سے موسم خوشگوار ہو گیا مگر ساتھ ہی شہر کا بڑا حصہ تاریکی میں ڈوب گیا۔