گوادر: نیو گوادر انٹرنیشنل ایئرپورٹ کیلئے 12 میگاواٹ بجلی منظور،نیو گوادر انٹرنیشنل ایئرپورٹ (این جی آئی اے) کے لیے تقریبا 12 میگاواٹ بجلی کی منظوری دے دی گئی ہے۔
تاکہ 24 گھنٹے بجلی کی تمام ضروریات بغیر کسی رکاوٹ کے پوری کی جا سکیں۔ وزارت منصوبہ بندی کی خصوصی ہدایت پر بلوچستان میں نیشنل پاور ڈسٹری بیوشن کمپنی کوئٹہ الیکٹرک سپلائی کمپنی (کیسکو) نے نیو گوادر انٹرنیشنل ایئرپورٹ (این جی آئی اے) کو فعال بنانے کے لیے 12 میگاواٹ بجلی کی باضابطہ منظوری دے دی ہے اور سائٹ پر اپنی خصوصی ٹیمیں تعینات کرکے مکمل عملدرآمد کا آغاز کر دیا ہے۔ کیسکو حکام کے مطابق ٹینٹنگ اور کمیشننگ کا عمل 10 روز میں مکمل ہونے کا امکان ہے۔
کیونکہ تمام ضروری سامان جیسے پول ایریکشن، ٹرانسمیشن لائنز، اور الیکٹریکل ان پٹ اینڈ آؤٹ پٹ سرکٹ پہلے ہی نصب شدہ پاور سسٹم کے ساتھ منسلک ہوچکے ہیں۔بجلی کی فراہمی کو ہموار اور بجلی کے بریک ڈاؤن سے پاک رکھنے کے لئے این جی آئی اے کو 12 میگاواٹ بجلی 24 گھنٹے دستیاب رہے گی۔
کیونکہ تین پاور ٹرانسمیشن لائنیں این جی آئی اے کو فیڈ کریں گی۔ انہوں نے مزید کہا کہ اس کا مطلب یہ ہے کہ اگر کوئی فنکشن سے باہر ہوجاتا ہے تو دوسرا خود بخود منسلک ہوجائے گا اور اگر دوسرا خراب ہوجاتا ہے تو تیسرا بیک اپ انتظام کے طور پر سسٹم میں موجود ہوگا۔ تین پاور ٹرانسمیشن لائنوں کی وضاحت کرتے ہوئے انہوں نے کہا ایک بجلی کی فراہمی 286 کلومیٹر لمبی، 132 کے وی ڈوئل سرکٹ ٹرانسمیشن لائن سے نال-بسیمہ-ناگ-پنجگور کے ذریعے آ رہی ہے۔
دوسری منڈ-پشین-تربت ٹرانسمیشن لائن سے گوادر گرڈ اسٹیشن اور تیسری گیب-ریمڈن پاور ٹرانسمیشن لائن سے جیوینی-گوادر گرڈ اسٹیشن تک آ رہی ہے۔بجلی کی فراہمی کے عمل کی تکمیل کے ساتھ ہی توقع ہے کہ این جی آئی اے رواں سال ستمبر کے وسط میں قومی اور بین الاقوامی پروازوں کا خیرمقدم کرے گا، جو جدید فضائی راستے کے ایک نئے دور کی نشاندہی کرے گا جو دنیا کو گوادر سے منسلک کرے گا۔ نئے گوادر بین الاقوامی ہوائی اڈے کا منصوبہ 2014 میں سی پیک پروگرام کے ابتدائی ترجیحی منصوبے کے طور پر شروع ہوا تھا۔