امریکی صدر ڈونلڈ ٹرمپ نےکہا ایران کی بھیجی گئی تجویزکا جائزہ جلد لیا جائے گا،ایران کےخلاف فوجی کارروائی ہوسکتی ہے۔

امریکی صدرڈونلڈ ٹرمپ نےاپنےبیان میں کہاایران کےساتھ ڈیل کے بنیادی نکات کےبارےمیں بتایا گیا ہے،ڈیل پر حتمی فیصلہ ابھی باقی ہے،اس ڈیل کی اصل ورڈنگ خوددیکھوں گا،ایران نےابھی تک اپنےکیےکی بڑی قیمت ادا نہیں کی،انکےساتھ جوکچھ ہوا اسےقابلِ قبول نہیں سمجھاجاسکتا،جنگ ابھی ختم کردیں تو تعمیر نومیں 20 سال لگیں گے،کوئی نہیں چاہتاکہ چندسال بعد دوبارہ جنگ کیلئےجائیں،ایران کی ناکہ بندی موثر انداز میں جاری ہے،ناکہ بندی فرینڈلی ہے۔

دوسری جانب ترجمان ایرانی وزارت خارجہ نےاپنے بیان میں کہا امریکی صدر نےکھل عام ایرانی بحری جہازوں کی غیرقانونی ضبطی کا اعتراف کیا،ٹرمپ نےڈھٹائی سےکہاہےکہ امریکا قزاقوں کی طرح کام کررہاہے،یہ کوئی زبان پھسلنے کا معاملہ نہیں تھا،یہ بیان بین الاقوامی بحری آمدورفت کے خلاف اقدامات کی مجرمانہ نوعیت کا کھلا اعتراف ہے،بین الاقوامی برادری اور یواین سیکریٹری جنرل کھلی خلاف ورزیوں کو معمول بنانے کی کوشش کوسختی سے مسترد کریں۔