خضدار : قومی شاہراہ پر ٹریفک کے دو مختلف واقعات میں ایک شخص جاں بحق تیرہ مسافر زخمی۔
تفصیلات کے مطابق پیر کو قومی شاہراہ پر دو مختلف ٹریفک حادثات میں ایک شخص جاں بحق تیرہ مسافر زخمی ہو گئے پہلے واقع میں انجیرہ کراس کے قریب مسافر بس اور ٹرک میں تصادم کے نتیجے ایک شخص عزیز الرحمان ولد نیاز محمدرودینی ساکن کوئٹہ جاں بحق اور دس مسافر زخمی ہوگئے جن میں محمد مدثر،جمال خاتون،عروج،ندا،علی رضا،نصیر احمد،محمد ابراہیم،نجیب اللہ،اور خلیل الرحمان شامل ہیں زخمیوں کو 1122کے عملے نے ضروری طبی امداد دینے کے بعد ٹیچنگ اسپتال منتقل کیا۔
دوسرے واقع میں پیر عمر کے قریب کراچی سے کوئٹہ جانے وا لی کار تیز رفتاری کے باعث ڈرائیور سے بے قابو ہو کر الٹ گئی جس کے نتیجے میں نقیب اللہ،نور محمد اور جمعہ داد زخمی ہوگئے جنہیں قریبی لیویز پوسٹ کے اہلکاروں نے ٹیچنگ اسپتال منتقل کیا۔