شمالی وزیر ستان: پاک افغان سرحد کے قریب دتہ خیل میں ایک گاڑی پر امریکی ڈرون حملے میں 7 افراد ہلاک اور 2 زخمی ہو گئے۔ امریکی ڈرون طیارے نے شمالی وزیرستان کی تحصیل دتہ حیل میں پاک افغان سرحد کے قریب لواڑہ منڈی کے علاقے میں ایک گاڑی پر 4 میزائل داغے جس کے نتیجے میں کم از کم 7 افراد ہلاک اور 2 زخمی ہو گئے۔ ڈرون حملے کے بعد علاقے میں خوف و ہراس پھیل گیا اور مقامی افراد نے اپنی مدد آپ کے تحت حملے میں زخمی ہونے والوں کو قریبی اسپتال منتقل کیا جہاں انھیں طبی امداد دی جا رہی ہے۔ واضح رہے کہ اس سے  قبل 6 اگست کو بھی امریکا نے شمالی وزیرستان میں ایک  ڈرون حملہ کیا تھا جس کے نتیجے میں 6 افراد ہلاک اور 2 زخمی ہو گئے تھے۔