کوئٹہ: کراچی پریس کلب کے صدر امیتاز فاران، سابق صدور فاضل جمیلی اور طاہر حسن خان سمیت دیگر نے کوئٹہ پریس کلب کے50سال مکمل ہونے کی تقریبات کے سلسلے میں کراچی پریس کلب کی جانب سے کوئٹہ پریس کلب کے جنرل سیکرٹری ظفر بلوچ یادگاری شیلڈ پیش کی اور انہیں سندھی اجرک پہنایا۔ اس موقع پر کوئٹہ کے سینئر صحافیوں سلیم شاہد، بنارس خان، ایوب ترین و دیگر نے کراچی سے آئے ہوئے مہمانوں کو کوئٹہ پریس کلب کی گولڈن جوبلی کے بھیج لگائے۔
کوئٹہ پریس کلب کے جنرل سیکرٹری ظفر بلوچ نے کراچی پریس کلب کے وفد کا شکریہ ادا کیا کہ انہوں نے پریس کلب کوئٹہ کی گولڈن جوبلی کی تقریبات میں شریک ہو کر ان کی خوشیوں میں شامل ہوئے۔
واضح رہے کوئٹہ پریس کلب کی گولڈن جوبلی کی 10روزہ تقریبات کا سلسلہ جاری ہے جو آج بروز پیر 28ستمبر کو اختتام پذیر ہوگا۔ اختتامی تقریب شام 6بجے کوئٹہ میٹروپولیٹن کارپوریشن کے سبزہ زار پر منعقد جارہی ہے جس کے مہمان خصوصی وزیراعلیٰ بلوچستان جام کمال خان عالیانی ہوں گے۔