سوراب: کوئٹہ سے خضدار جانے والی مسافر ویگن انجیرہ کے مقام پر کراسنگ کے دوران بے قابوہوکرالٹ گئی حادثے میں خاتون سمیت دو افراد جان بحق جبکہ تین زخمی ہوگئے تفصیلات کے مطابق خضدار سے کوئٹہ جانے والی ویگن انجیرہ کے مقام پر کراسنگ کے دوران حادثے کا شکار ہوگئی جس کے نتیجے میں ویگن میں سوار خاتون مسافرمسمات (م)اور عبدالرؤوف نامی شخص موقع پر جاں بحق ہوگئے۔
جبکہ خاتون مسماۃ بشریٰ مسیع سمیت تین افراد سجاد اکبر اورغلام نبی شدید زخمی ہو گئے، نعش اور زخمیوں کو ڈی ایچ کیو ہسپتال سوراب منتقل کیا گیا، جہاں زخمیوں کو ایم ایس ڈاکٹر عبدالحمید لہڑی ڈاکٹر حافظ ظہور احمد ریکی کی موجودگی میں ابتدائی طبی امداد دینے کے بعدمزید علاج کیلیے کوئٹہ ریفر کردیا گیا،جبکہ نعشوں کو ضروری کاروائی کے بعد ان کے آبائی علاقوں کو روانہ کردیاگیا۔