سابق عالمی ہیوی ویٹ چیمپئن مائیک ٹائسن 15سال بعد رنگ  میں واپس اترے  تاہم  روئے جونز سے ان کا  یہ مقابلہ برابر ہوگیا۔

امریکا کے شہر لاس اینجلس میں ہونے والی نمائشی فائٹ میں دو لیجنڈز مدمقابل تھے۔ مائیک ٹائسن اور روئے جونز جونئیر نے ایک دوسرے پر جم کے مکے برسائے۔

15سال بعد رنگ میں اترنے والے ٹائسن نے ابتدائی دو راؤنڈز میں 9-10 پوائنٹس سے برتری حاصل کی لیکن تیسرا راؤنڈ جونز نے 9-10 سے اپنے نام کیا۔

چوتھے اور پانچویں راؤنڈز میں ٹائسن پھر چھائے گئے  اور دونوں راؤنڈز  9-10 سے ٹائسن کے حق میں رہے لیکن چھٹے راؤنڈ سے روئے جونئیر کا پلڑا بھاری رہا اور مسلسل تین راؤنڈز میں 9-10 پوائنٹس سے برتری لی اور یوں فائٹ ڈرا ہو گئی۔

8 راؤنڈز کی فائٹ میں مجموعی اسکور 76-76 پوائنٹس رہا۔

فائٹ کے بعد ٹائسن کا کہنا تھا کہ ڈرا بھی اچھا نتیجہ ہے جبکہ جونز جونئیر نے کہاکبھی بھی ڈرا سے مطمئن نہیں ہوتا لیکن ٹائسن مضبوط ہیں اور ان کے ہر مکے سے تکلیف ہوئی۔   

خیال رہے کہ 54 سالہ امریکی باکسر مائیک ٹائسن 1985 سے 2005 تک پرفیشنل فائٹس لڑتے رہے ہیں اور 1986 میں 20 سال کی عمر میں اس وقت کے ہیوی ویٹ چیمپئن ٹریوور بیربک کو شکست دے کر تاریخ کے کم عمر ترین ہیوی ویٹ چیمپئن بنے تھے۔