گوادر: تحصیل جیونی میں پانی کی شدید قلت، عوام کا صبر جواب دے گیا، خواتین کا شدید احتجاج، دکانیں بند کرادیں۔ تفصیلات کے مطابق ضلع گوادر کے ساحلی علاقے تحصیل جیونی میں پانی کی قلت شدت اختیار کرگیا، پانی کی شدید قلت کی وجہ سے عوام کا صبر جواب دے گیا خواتین نے شدید احتجاج کرکے شہر کی دکانیں بند کرادیں۔
مظاہرین کا کہنا ہے کہ جیونی میں کئی مہینوں سے پانی کی سپلائی بند ہے شدید گرمی میں لوگ پیاسے ہیں اور پانی کے لیئے دربدر ہیں۔ احتجاجی خواتین کا کہنا ہے کہ جیونی میں پانی کی قلت کا مسئلہ کہی دہائیوں سے چلتا آرہا ہے مگر محکمہ پبلک ہیلتھ، ضلعی انتظامیہ منتخب نمائندے، اور صوبائی حکومت پانی بحران پر قابو کرنے میں سنجیدہ نہیں ہیں۔ اْنہیں جیونی کے شہریوں کی مشکلات اور تکالیف کا کوئی احساس تک نہیں یقین دہانیوں پر جیونی کے مکینوں کو ٹرخا رہے ہیں جیونی کے مکین پانی کی بروقت عدم دستیابی کی وجہ سے شدید پریشانی و مشکلات کے شکار ہیں ، مظاہرین نے مطالبہ کیا کہ پیاسے عوام کی مزید صبر کا امتحان نہ لیں فوری طورپر جیونی و گردنواع میں بروقت پانی فراہمی کو یقینی بنایا جائے۔