پاکستان کرکٹ ٹیم کے آل راؤنڈر فہیم اشرف کا کورونا ٹیسٹ مثبت آگیا۔

پاکستان کرکٹ بورڈ ( پی سی بی ) کے مطابق فہیم اشرف کا کراچی ہوٹل میں آمد پر کووڈ ٹیسٹ مثبت آیا ہے۔

 پی سی بی  کا کہنا ہے کہ فہیم اشرف 5 روز آئیسولیشن اختیار کریں گے جبکہ اگر متبادل کی ضرورت ہوئی تو اس کا اعلان بعد میں کیا جائے گا۔

واضح رہے کہ آسٹریلیا کے خلاف سیریز سے قبل  فہیم اشرف انجری کی وجہ سے پہلے ٹیسٹ سے باہر ہوگئے تھے۔

پی سی بی کا کہنا تھا کہ فہیم ممکنہ طور پر آسٹریلیا کے خلاف دوسرے ٹیسٹ میچ کیلئے ٹیم کو دستیاب ہوں گے۔