کوئٹہ:کوئٹہ سمیت بلوچستان کے مختلف علاقوں میں بارش کا سلسلہ جاری ہے جس کی وجہ سے سردی کی شدت میں اضافہ ہو گیا کوئٹہ میں گیس پریشر کے کمی کے باعث لو گوں کو شدید مشکلات کا سامنا کر نا پڑا تفصیلات کے مطابق وادی کوئٹہ سمیت بلوچستان کے مختلف علاقوں، چمن، پشین، زیارت، مستونگ، قلات سمیت دیگر علاقوں میں بارش کا سلسلہ جاری رہا جس کے باعث سردی کی شدت میں اضافہ ہو گیا کوئٹہ میں رات گئے بادل برس پڑے۔چمن میں رات سے جاری موسلادھار بارش سے نشیبی علاقے زیر آب آگئے ادھر شمالی بلوچستان میں بارش برسانے والی ہوائیں داخل ہونے سے چمن،پشین ،زیارت ،کان مہترزئی اورقلعہ عبداللہ میں وقفے وقفے سے بارش کا سلسلہ جاری ہے۔بارش کے ساتھ ہی شہر کے بیشتر علاقوں میں بجلی کی سپلائی معطل اور ٹھنڈ میں اضافہ ہوگیا ہے۔
