الاسکا: امریکی ریاست الاسکا میں مسافر بردار طیارہ گرکر تباہ ہوگیا جس کے نتیجے میں 6 افراد ہلاک ہوگئے۔امریکی میڈیا کے مطابق ریاست الاسکا میں مسافر بردار طیارہ گرکر تباہ ہوگیا جس کے نتیجے میں طیارے میں سوار تمام 6 افراد ہلاک ہوگئے، طیارہ کی گمشدگی کی خبر سامنے آنے کے بعد علاقے میں سرچ آپریشن شروع کیا گیا جہاں سے 6 افراد کی لاشیں برآمد ہوئیں جن میں سے ایک پائلٹ اور باقی 5 مسافروں کی تھیں۔

امریکی صدر جوبائیڈن نے2030 تک امریکا میں 50فیصد الیکٹرک گاڑیاں متعارف کرانے کے ایگزیکٹو آرڈر پر دستخط کردیے۔امریکی میڈیا کے مطابق منصوبے میں چارجنگ اسٹیشنز کی تعمیر اور کارسازوں کی مالی معاونت شامل ہے۔

افغانستان کے صوبے اُرزگان میں افغان شاعر اور تاریخ داں عبداللّٰہ عاطفی کو اغواء کے بعد قتل کر دیا گیا۔

ایران کے نئے منتخب صدرابراہیم رئیسی کوعہدہ سنبھالنے کے بعد سیاسی، معاشی، سماجی اور دیگر داخلی اور خارجی چیلنجوں کا سامنا ہے۔ایران کے آٹھویں صدر کے طور پر حلف لینے والے ریئسی کو تباہ حال ملکی معشیت، سماجی مسائل اور ملک میں بڑھتے ہوئے کورونا وائرس کے کیسز جیسے چیلنچز کا سامنا ہے۔

برطانیہ نے بھارت کو کورونا ریڈ لسٹ سے نکالنے کا اعلان کردیا۔ بحرین، قطر، یو اے ای بھی ریڈ سے امبر (amber) لسٹ میں شامل جبکہ پاکستان بدستور ریڈ لسٹ میں شامل ہے۔

بھارت نے مقبوضہ کشمیر میں تحریک آزادی کی صدا کو دبانے کی ناکام کوشش کرتے ہوئے دو سال قبل قانون میں تبدیلی کی اور کشمیریوں پر ظلم و ستم کے نئے پہاڑ توڑ دیے۔بھارت میں برسراقتدار بھارتیہ جنتا پارٹی کی حکومت نے 5 اگست 2019 کو بھارتی آئین کی شق 370 کے خاتمے کا اعلان کر دیا جس کے تحت ریاست جموں و کشمیر کو نیم خودمختار حیثیت اور خصوصی اختیارات حاصل تھے۔

امریکی نمائندہ خصوصی برائے افغان امن عمل زلمےخلیل زادکا کہناہے کہ طالبان نے طاقت کے زور پر افغانستان پر قبضہ کیا تو اُن کی حکومت عالمی سطح پر تنہا ہوگی اور طالبان خودکو بین الاقوامی سطح پر تسلیم نہیں کرواسکیں گے۔

افغانستان کے دارالحکومت کابل میں قائم مقام افغان وزیر دفاع کے گھر پرحملہ اور دھماکے میں 4افراد ہلاک، 20زخمی ہوگئے۔

سیٹلائٹ تصاویر، مالیاتی اعداد و شمار اور زمینی شواہد سے انکشاف ہوا ہے کہ بھارت موریشس کے دور دراز جزیرے آگالیگا پر بحری تنصیب کی تعمیر کررہا ہے۔ شواہد کا جائزہ لینے والے عسکری ماہرین نے کہا کہ زیر تعمیر رَن وے یقینی طور پر بھارتی بحریہ کی جانب سے سمندری گشت کے لیے استعمال ہوگا۔

واشنگٹن: امریکہ نے کورونا سے متاثرہ خطرناک ممالک کی فہرست جاری کر دی۔غیر ملکی خبر رساں ایجنسی کے مطابق عالمی وبا کورونا وائرس نے ایک بار پھر دنیا بھر میں تباہی مچانا شروع کر دی ہے۔ اس موقع پر امریکہ کی جانب سے 16 ایسے ممالک کی فہرست جاری کی گئی ہے تو اس وقت کورونا کی وجہ سے خطرناک سمجھے جا رہے ہیں۔