سوشل میڈیا پر جاری بیان میں وزیر دفاع اسرائیل کاٹز نے دھمکی دیتے ہوئے کہا کہ  آیت اللہ خامنہ ای کےکسی بھی جانشین کو نشانہ بنانےکےلئے اسرائیلی وزیراعظم اور انہوں نے فوج کوتیار رہنےکی ہدایت کردی ہے۔ 

امریکی صدر ڈونلڈ ٹرمپ نے کہا ہے کہ ضرورت پڑنے پر آبنائے ہرمز میں کمرشل جہازوں کیساتھ امریکی نیوی جائے گی۔

امریکی صدر ڈونلڈ ٹرمپ نے کہا ہے کہ ’اب ایران کے پاس نہ بحریہ ہے، نہ فضائیہ اور نہ ہی فضائی دفاعی نظام، تقریباً سب کچھ تباہ ہو گیا ہے۔‘

ایرانی میڈیا کے مطابق خلیج فارس میں امریکا کے سب سے بڑے ریڈار پر ایرانی میزائل حملے سے ریڈار کو شدید نقصان پہنچا ہے۔

امریکی اخبار وال اسٹریٹ جرنل نے امریکی حکام کا حوالہ دیتے ہوئے کہا ہے کہ صدر ڈونلڈ ٹرمپ ایران میں ایسے گروہوں کی حمایت کے لیے آمادگی ظاہر کرسکتے ہیں جو موجودہ حکومت کو ہٹانے کے لیے ہتھیار اٹھانے پر تیار ہوں۔ 

امریکی صدر ڈونلڈ ٹرمپ نے کہا ہے کہ ایران کی فوجی صلاحیت اور قیادت ختم ہو چکی ہے اور اب ایران کے ساتھ بات چیت کے لیے بہت دیر ہو چکی ہے۔ اپنے سوشل میڈیا پلیٹ فارم ٹروتھ سوشل پر مختصر پیغام میں ٹرمپ نے لکھا  کہ  ’ان کا فضائی دفاع، فضائیہ، بحریہ اور قیادت… Read more »

ترجمان چینی وزارت خارجہ کی جانب سے جاری بیان میں کہا گیا ہےکہ چین کا مؤقف ہے ایران کے خلاف فوجی آپریشن فوری طور پربندکیا جائے، چین اس سلسلے میں تعمیری کردار ادا کرتا رہے گا، تعمیری کردار میں سلامتی کونسل میں انصاف کی بالادستی، امن کے لیے جدوجہد اور جنگ روکنا شامل ہے، چین کو جنگ کے پڑوسی ممالک تک پھیلنے پر گہری تشویش ہے۔

آبنائے ہرمز بحران کے باعث ایشیائی ریفائنریز نے پیداوار کم کرنے پر غور شروع کردیا۔بلوم برگ کے مطابق ایشیائی آئل ریفائنریز 20 سے 30 فیصد تک پیداوار کم کرنے پر غور کررہی ہیں،آبنائے ہرمز میں جہازوں کی آمدورفت تقریباً 80فیصد تک کم ہوگئی ہے، چین اور جاپان کی سرکاری و بڑی ریفائنریز سب سے زیادہ متاثر ہوئیں۔

اسرائیلی وزیرِ دفاع اسرائیل کاٹز کا کہنا ہے کہ ان کی فضائیہ نے تہران میں حکومتی اہداف کو ’شدید طاقت‘ سے نشانہ بنایا ہے۔

امریکی صدر ڈونلڈ ٹرمپ نے کہا ہے کہ ان کے پاس جنگی ہتھیاروں کا بڑا ذخیرہ موجود ہے جسے استعمال کرتے ہوئے ’ہمیشہ جاری رہنے والی جنگیں لڑی جا سکتی ہیں‘۔