امریکا نے ایران کی 48 اہم شخصیات کو مار دیا، ایرانی ملٹری کمان مکمل ختم ہوگئی، ٹرمپ کا دعویٰ

کویتی وزارت دفاع کے ترجمان کی جانب سے سوشل میڈیا پر جاری بیان میں متعدد امریکی فوجی طیارے گر کر تباہ ہونے کی تصدیق کی گئی تاہم طیارے گرنے کی وجوہات نہیں بتائی گئیں۔

ایران کے مغربی شہر مہران میں سرحدی فورسز کے ہیڈکوارٹر پر بھی امریکی اور اسرائیلی فورسز نے حملہ کیا۔

امریکی سینٹرل کمانڈ (سینٹ کام) کے مطابق ایران کے خلاف جاری کارروائی میں تین امریکی فوجی ہلاک ہو گئے ہیں۔ یہ ہلاکتیں ہفتہ کے روز شروع ہونے والی امریکی کارروائی کے بعد پہلی مرتبہ رپورٹ کی گئی ہیں۔

سعودی عرب کا کہنا ہے کہ اس نے ریاض کے بین الاقوامی ہوائی اڈے اور شہزادہ سلطان فضائی اڈے کو نشانہ بنانے والے ایرانی میزائل فضا ہی میں تباہ کر دیے۔ شہزادہ سلطان فضائی اڈے پر امریکی فوجی اہلکار تعینات ہیں۔

مقبوضہ بیت المقدس کے نواح میں بیت شمش میں ایرانی میزائل حملے میں کم ازکم 9 اسرائیلی ہلاک جبکہ 23 زخمی ہوگئے۔

ایرانی حکام کے مطابق صوبہ ہرمزگان کے شہر میناب میں لڑکیوں کے ایک سکول پر گذشتہ روز حملے میں 153 ہلاکتیں ہوئی ہیں۔ 

متحدہ عرب امارات کی وزارتِ دفاع کا کہنا ہے کہ کل سے اب تک ایرانی حملوں میں تین افراد ہلاک ہو چکے ہین۔

امریکی فوج نے کہا  ہے کہ اُس نے خلیج عمان میں ایک ایرانی جنگی جہاز کو ڈبو دیا ہے۔

سابق ایرانی صدر محمود احمدی نژاد، 69 سال کی عمر میں، امریکی اور اسرائیلی فوجی حملوں کے دوران تہران میں اپنے گھر پر ہونے والے فضائی حملے میں اپنے محافظ سمیت ہلاک ہو گئے۔ یہ خبر سرکاری خبر رساں ادارے Islamic Labour News Agency (ILNA) نے اتوار کو رپورٹ کی، تاہم سرکاری تصدیق تاحال نہیں ہوئی۔