کوئٹہ: لورالائی میں دہشتگرد حملے میں شہید ہونیوالے افراد کی نماز جنازہ اور تدفین کردی گئی۔ نماز جنازہ میں صوبائی وزیر داخلہ ضیاء لانگو، آئی جی پولیس محسن حسن بٹ ،کمشنر ژوب ڈویژن بشیر بنگلزئی اور دیگر اعلیٰ فوجی و سول حکام نے شرکت کی ۔ واقعہ کے خلاف لورالائی میں شٹر ڈاؤن ہڑتال کی گئی۔ شہر کی فضاء بھی سوگوار رہیں۔ 

کوئٹہ+اندرون بلوچستان : کوئٹہ سمیت بلوچستان کے مختلف اضلاع بولان ،مستونگ ، قلات، چاغی نوشکی نصیر آباد قلعہ عبداللہ ودیگرعلاقوں میں موسلادھار بارش اور پہاڑوں پربرفباری ہوئی ،کوئٹہ میں دو سال بعد 25سے30ملی میٹر بارش ہوئی ۔موسلا دھار بارش کے نتیجے میں کوئٹہ سمیت کئی اضلاع میں نشیبی علاقے زیر آب آگئے۔ 

 کراچی: سندھ اسمبلی میں اپوزیشن کی جانب سے صوبائی وزیر مکیش کمار چاولہ پر گالی دینے کے الزام کے بعد ایوان مچھلی بازار بن گیا۔

 کراچی: محکمہ داخلہ سندھ نے جبری گمشدہ اور لاپتا افراد کے86 فیصد معاملات حل ہونے کا دعوی کیا ہے۔

منیلا: جنوبی فلپائن کی مسجد میں دستی بم حملے کے نتیجے میں 2 افراد جاں بحق جب کہ 4 زخمی ہوگئے۔

مستونگ:  سول سوسائٹی مستونگ کے سربراہان سردار علی احمد پرکانی سردار اللہ نور پرکانی حاجی محمد یار علیزئی حاجی قادر بخش شاہوانی محمد آصف پرکانی نے میڈیا کے نمائندوں سے گفتگو کرتے ہوئے کہا کہ کئی ماہ گزرنے کے باوجود تاحال سانحہ درینگڑھ کے بیشتر شہدا اور زخمیوں کو حکومت کی جانب سیمعاوضوں کی ادائیگی نہیں کی گئی ہیں ۔

ڈیرہ بگٹی : لیویزذرائع کے مطابق سوئی کے نواحی علاقے سوناری مٹ میں نامعلوم افرادنے دھماکہ خیزموادسے ڈسپنسری کی عمارت تباہ کیا۔

کوئٹہ: وزیراعلیٰ بلوچستان جام کمال خان نے کہا ہے کہ ترقیافتہ، خوشحال اور تعلیم یافتہ بلوچستان کے اہداف کو حاصل کرنے کے لئے حکومت صوبہ بھر میں یکساں ترقیاتی عمل کومربوط طریقے سے آگے بڑھانے کے لئے کوشاں ہے اور ا اس سلسلے میں کسی علاقے کو نظرانداز نہیں کیا جائے گا، بلوچستان ہم سب کا ہے اور یہ ہماری آئینی ذمہ داری ہے کہ صوبے سے غربت، پسماندگی اور ناخواندگی کا خاتمہ کرکے بلوچستان کو دیگر صوبوں کے برابر لائیں۔

کوئٹہ : بلوچستان اسمبلی میں حکومتی اراکین کی عدم موجودگی پر اپوزیشن اراکین نے شدید احتجاج کرتے ہوئے کہا کہ وزیر اعلیٰ ہاؤس میں پکوڑے کھانے کیلئے وزراء موجود ہوتے ہیں لیکن ایوان میں وزراء نہیں آتے جبکہ حکومتی اراکین نے کہا کہ پکوڑے صرف حکومتی اراکین نہیں کھاتے بلکہ اپوزیشن اراکین بھی پکوڑے کھانے میں بھر پور حصہ لیتے ہیں ۔

 اسلام آباد: وزیر ریلوے شیخ رشید نے یکم فروری سے کلین اینڈ گرین مہم چلانے کا اعلان کردیا۔