کوئٹہ:محکمہ موسمیات نے سال 2025کے پہلے ہفتے کے دوران بلو چستان کے مختلف اضلاع میں بارش اور پہاڑوں پر برفباری کی پیشگوئی کردی۔

حب : پاکستا ن ہمارا وطن اور بلوچستان ہمارا صوبہ ہے ، ہم سب کو آپس کے اختلافات بھلا کر پاکستان بالخصوص بلوچستان کی ترقی و خوشحالی کے لئے کام کرنا چاہئے۔ ان خیالات کا اظہار ترجمان صدر آصف علی زرداری ، صوبائی وزیر برائے صنعت و تجارت و زراعت میر علی حسن زہری نے نئے عیسوی سال کے آغاز کے موقع پر اپنے تہنیتی بیان میں کیا ۔انہوں نے کہا کہ پاکستان پیپلز پارٹی ملک کی سب سے بڑی جمہوری سیاسی پارٹی ہے اور صدر آصف علی زرداری کی مدبرانہ اور نوجوان بلاول بھٹو زرداری کی ولولہ انگیز قیادت میں ملک کی تعمیر و ترقی کے لئے دن رات کوشاں ہے جبکہ بلوچستان بھر میں یکساں ترقی و خوشحالی ہماری سیاست کا محور ہے ۔

چاغی:پاک افغان سرحدی ضلع چاغی میں سال 2024 میں لیویز چاغی اور سیکورٹی فورسز کی مشترکہ کارروائیوں میں 3826 غیر قانونی سفر کرنے والے افغان مہاجرین کو گرفتار کر لیا ہے ضلع انتظامیہ چاغی کے مطابق پاک افغان سرحدی ضلع چاغی میں سال 2024 میں مجموعی طور پر خواتین،مرد،بچوں کو لیویز اور سیکورٹی فورسز نے مختلف چوکیوں اور رات کی گشت کے دوران سنیںپ چیکنگ میں 2779 مرد،338 خواتین،290 بچوں کو گرفتار کر لیا ہے یہ کاروائی پاکستان میں غیر قانونی داخلے کو روکنے کے عزم کا مظہر ہے

وفاقی کابینہ نے 540 ملین ڈالر کے معاہدے کے تحت ریکوڈک کے 15 فیصد حصص سعودی عرب کو فروخت کرنے کی منظوری دے دی ہے۔

این اے 262 کوئٹہ سے عادل بازئی کی رکنیت بحالی کا نوٹیفکیشن جاری کر دیا گیا۔

وزیرِ اعلیٰ بلوچستان میر سرفراز بگٹی نے کہا ہے کہ بلوچستان میں را فنڈڈ لشکر اپنا مذموم ایجنڈا چلا رہا ہے، نوجوانوں کو بہکا کر عوام کا خون ناحق بہا رہے ہیں۔

کوئٹہ:بلوچستان ہائی کورٹ کے جج جسٹس کامران ملا خیل نے گرینڈ ہیلتھ الائنس سماعت کے دوران سیکرٹری صحت ،ڈی جی صحت،گرینڈ ہیلتھ الائنس کے عہدیدار عدالت کے روبرو پیش ہوئے اور بتایا کہ سرکاری ہسپتالوں کی نجکاری نہیں کررہے ہیں،

کوئٹہ: کوئٹہ کے علاقے میزان چوک پر کاسی قبیلے سے تعلق رکھنے والے افراد کا احتجاج اور دھرنا، پولیس کا مظاہرین پر لاٹھی چارج اور آنسو گیس شیلنگ، 5افراد زخمی متعدد گرفتار کر لئے گئے ۔

تربت:نیشنل پارٹی کیچ کے ضلعی ترجمان نے مذمتی بیان جاری کرتے ہوئے کہا ہے کہ گزشتہ دنوں تمپ میں ظریف بلوچ کی اغوا نما گرفتاری کے بعد اس کی بہیمانہ قتل کی شدید الفاظ میں مزمت کرتے ہوئے کہا کہ بلوچ سیاسی اور سماجی کارکنوں کی اسی طرح گرفتاری اور انہیں تشدد کرکے ہلاک کرنے کا یہ نہ ختم ہونے والا سلسلہ نہ صرف باعث تشویش ہے بلکہ انتظامیہ صوبائی حکومت اور ریاست کیلیے ایک چیلنچ بنا ہوا ہے۔

کوئٹہ:کوئٹہ کو پانی کی سپلائی کرنے کے لئے تعمیر کیا جانے والا مانگی ڈیم مدت تکمیل کے دو سال بعد بھی نامکمل، منصوبے کی لاگت 18ہزار ملین روپے سے تجاوز کرگئی ، بلوچستان اسمبلی کی پبلک اکائونٹس کمیٹی نے 15دن میں تحقیقات کر کے ذمہ داروں کے تعین کی ہدایت کردی ۔