بلوچستان کے علاقے قلات میں دو مسافر بسوں کے آپس میں ٹکرانے کے نتیجے میں 6 افراد اپنی جانوں سے ہاتھ دھو بیٹھے جبکہ 20 شدید زخمی ہوئے۔

بلوچستان کے صوبائی وزراء اور ترجمان صوبائی حکومت نے بلوچستان میں دہشت گردی کے حالیہ واقعات کی مذمت کرتے ہوئے اسے ملک دشمن عناصر کی منظم سازش قرار دیا ہے اور واضح کیا ہے کہ دہشت گردی کے واقعات سے سختی سے نمٹا جائے گا اور پاکستان کے خلاف ہونے والی تمام تر سازشوں کو ناکام بنایا جائے گا، جمعہ کو چیف منسٹر سیکرٹریٹ میں ایک پریس کانفرنس سے خطاب کرتے ہوئے صوبائی وزیر ترقیات و منصوبہ بندی میر ظہور بلیدی نے کہا کہ جعفر ایکسپریس حملے میں بے گناہ مسافروں کو یرغمال بنایا گیا اور انہیں ظلم و بربریت کا نشانہ بنایا گیا انہوں نے کہا کہ گوادر میں مسافر بس سے معصوم شہریوں کو اتار کر شہید کرنے کا واقعہ انتہائی افسوسناک اور قابل مذمت ہے

کوئٹہ کے ڈبل روڈ پر گزشتہ روز ہوئے دھماکے میں جاں بحق کینسر اسپیشلسٹ ڈاکٹر مہر اللّٰہ کو پشین میں سپردِ خاک کر دیا گیا۔

بلوچستان کے دارالخلافہ کوئٹہ سے جعفر ایکسپریس 400 سے زائد مسافروں کو لے کر روانہ ہو گئی۔

کوئٹہ:وزیر اعلیٰ بلوچستان میر سرفراز بگٹی نے کوئٹہ کے ڈبل روڈ پر پولیس موبائل کے قریب ہونے والے دھماکے کی شدید مذمت کی ہے اپنے ایک مذمتی بیان میں وزیر اعلیٰ نے کہا کہ دہشت گردی کی ایسی بزدلانہ کارروائیاں ہمارے عزم کو متزلزل نہیں کر سکتیں۔ انہوں نے کہا کہ بلوچستان حکومت عوام کے جان و مال کے تحفظ کو ہر صورت یقینی بنائے گی اور دہشت گردوں کے خلاف کارروائی مزید تیز کی جائے گی۔

کوئٹہ ڈپٹی کمشنر چاغی کی رہائشگاہ پر نامعلوم مسلح افراد فائرنگ کرکے فرار ہوگئے پولیس کے مطابق گزشتہ شب ڈپٹی کمشنر چاغی کی رہائشگاہ پر نامعلوم افراد مین گیٹ پر نامعلوم افراد فائرنگ کرکے فرار ہوگئے

تربت:بلوچ وومن فورم کے مرکزی سربراہ ڈاکٹر شلی بلوچ نے کہا ہے کہ میں بلوچستان کے مقامی باشندوں سے اپیل کرتی ہوں کہ وہ بلوچ یکجہتی کمیٹی اس کے رہنماؤں اور تمام مظلوموں کا ساتھ دیں جو اپنے جائز حقوق کے لیے جدوجہد کر رہے ہیں۔ اس نازک وقت میں اتحاد ہی وہ واحد راستہ ہے جس کے ذریعے بلوچستان میں امن، استحکام اور انصاف کی راہ ہموار ہو سکتی ہے۔

تربت:کوہ مراد میں زگری فرقے کا سالانہ روحانی اجتماع، لاکھوں زائرین کی شرکت۔ 27 رمضان المبارک کی شب خصوصی عبادات، دعائیہ محفلیں اور چوگان کی روح پرور محفلوں کا انعقاد کیا جائے گا، بلوچستان اور سندھ بھر سے زائرین کی آمدرمضان المبارک کی 27 ویں رات میں کوہ مراد میں زگری فرقے کے لاکھوں عقیدت مندوں کا سالانہ روحانی اجتماع منعقد ہوگا۔

کوئٹہ :پاکستان تحریک انصاف بلوچستان نیشنل پارٹی کے لانگ مارچ کی مکمل حمایت کرتی ہے تحریک انصاف ہر مظلوم کا ساتھ اور ظالم کے سامنے چٹان بن کر کھڑے ھے ماہ رنگ بلوچ ملک بھر بلوچ یکجہتی کمیٹی کے ممبران کو رہاکر اس گمبھیر صورتحال سے بچا جاسکتا ھے

کوئٹہ: کوئٹہ میں زونل رویت ہلا ل کمیٹی کا اجلاس 30مارچ کو طلب کرلیا گیا ۔تفصیلات کے مطابق ایڈیشنل ڈپٹی کمشنر (جنرل) کوئٹہ نے زونل رویت ہلال کمیٹی کا اجلاس اتوار 30مارچ کو ڈپٹی کمشنر کمپلکس کوئٹہ میں طلب کرلیا ہے ۔ اجلاس میں شوال کا چاند دیکھا جائے گا ۔