کوئٹہ:بلوچستان کے ضلع گوادر میں چینی شہریوں پر خودکش حملے میں زخمی تیسرا بچہ بھی زندگی کی بازی ہارگیا صوبائی وزیر داخلہ میر ضیاء اللہ لانگو نے سیاسی جماعتوں کے ارکان کی دھماکے پر خاموشی کو قابل حیرت قراردیتے ہوئے کہاہے کہ یہ دوہری اور خود پر مبنی سیاست ہے،حکومت نے واضح طور پر دہشت گردوں کے ونگز اور ملک دشمن ایجنسیوں کے مقاصد بیان کیے ہیں جو پاکستان کے خلاف کام کر رہے ہیں۔

قلات:پاکستان پیپلز پارٹی ڈسٹرکٹ قلات کے جنرل سیکرٹری صالح محمد خلجی کی قیادت میں ضلعی و تحصیل عہدیداروں عبدالحمید نیچاری،جاوید احمد دہوار تحصیل صدر ارباب شبیر احمد دہوار ودیگر پارٹی رہنماؤں نے پاکستان پیپلز پارٹی ڈسٹرکٹ قلات کے سابقہ جنرل سیکرٹری حاجی محمد انور مغل سے ملاقات کی۔

اندرون بلوچستان: مکران میں بجلی لوڈشیڈنگ ایران سے متعصل سرحدوں کی بندش اور پنجگور میں معصوم بچے کے قتل کے خلاف بی این پی عوامی کے زیر اہتمام پسنی ، پنجگور، تربت، نصیر آباد ، مستونگ ، سوراب ، قلات ، و دیگر علاقوں میں احتجاجی مظاہرے موٹر سائیکل ریلیاں منعقد کی گئیں تفصیلات کے مطابق پسنی بی این پی عوامی کی جانب منشیات ، باڈربندش ، بجلی کی لوڈشڈنگ اور پنجگور میں معصوم بچے کے قتل کے خلاف ایک موٹر سائیکل ریلی نکالی گئی جو پسنی نیادی سر سے ہوکر پسنی پریس کلب کے سامنے اختتام پزیر ہوئی۔ شرکا اپنے ہاتھوں میں بیننرز اْٹھائے ہوئے تھے۔

کوئٹہ: صوبائی دارالحکومت کوئٹہ میں ساتویں محرم الحرام کا جلوس سخت سیکورٹی میں امام بارگاہ کلاں پرنس روڈ سے برآمدہوا اور متعین روٹ سے ہوتا ہوا امام بارگاہ ناصر العزہ پراختتام پذیر ہوگیا ،حکومت بلوچستان کی جانب سے جلوس اور امام بارگاہوں کی سیکورٹی کیلئے موثر اقدامات اٹھائے گئے تھے بلکہ جلوس کی فضائی نگرانی بھی کی جاتی رہی۔

کوئٹہ: صوبائی دارالحکومت کوئٹہ میں 7ویں محرم الحرام کے جلوس کے راستوں میں آنیوالی دکانیں سیل کردی گئی، جلوس آج ڈھائی بجے نکلے گا،ساتویں محرم الحرام کے جلوس کی سیکیورٹی کیلئے سخت انتظامات مکمل، جلوس کی سیکورٹی پر 4ہزار 2سو فورسسز کے اہلکار تعینات ہونگے۔

 راولپنڈی: لورالائی کے قریب دہشتگردوں کی جانب سے ایف سی کی گاڑی پر حملے کے بعد جوابی کارروائی میں ایک سیکیورٹی اہلکار شہید جب کہ 3 دہشت گرد مارے گئے۔

کوئٹہ: اسپیکر بلوچستان اسمبلی وبلوچستان عوامی پارٹی کے بانی رہنماء میر عبدالقدوس بزنجو نے انکشاف کیاہے کہ تین سالوں سے فنڈز لیپس ہورہے ہیں وزیراعلیٰ بلوچستان جام کمال کوکرپشن کی باتیں زیب نہیں دیتی حکومت میں ہوتے ہوئے نیب اور سی ایم آئی ٹی جیسے ادارہ ہیں آئیں کرپشن کے الزامات ثابت کریں زندگی بھر سیاست نہیں کروںگا ،میرے دادا اور پھر5دفعہ میرے والد جبکہ تیسری دفعہ میں آواران سے منتخب ہورہاہوں اگر نااہل توٹکٹ کیوں دیاگیا۔

کوئٹہ: ترجمان حکومت بلوچستان لیاقت شاہوانی نے کہا ہے کہ محرم الحرام کے سلسلے میں کوئٹہ سمیت بلوچستان کے دس اضلاع کو احساس قرار دے دیا ہے ان اضلاع میں لوڈ اسپیکر ،ہتھیاوں کی نمائش ،انتشار پھیلانے والے مواد پر بھی پابندی ہوگی،قدوس بزنجو ہربار شکواہ کرتے ہیں ایسے بیانات دینے کی بجائے اسپیکر کو حکومت کا ساتھ دینا چاہیے ۔

پسنی : کیسکو جانب مکران کو ایران سے بجلی 10 میگاواٹ کا بہانہ عوامی احتجاج پر منحصر ہے، عوامی حلقے پسنی شہریوں کی جانب پسنی زیرو پوائنٹ پر مین کوسٹل ہائی وے کو بلاک کرنے کے فوراََ بعد بجلی وقتی طور پر بحال،مکران میں بجلی بحران کیسکو کی جانب ٹوپی ڈرامہ ہے۔ کیسکو جانب یران سے دی گئی 10 میگاواٹ کا بہانہ عوامی احتجاج پر منحصر ہے۔پچھلی بار کی طرح پسنی کے زیروپوائنٹ مین مکران کوسٹل ہائی وے کو بلاک کرنے بعد فورٍی طور پسنی بجلی بحال ، میگاواٹ کی کمی کا دعویٰ دھرے کے دھرہ رہ گیا۔

لسبیلہ : وزیراعظم عمران خان نے کہاہے کہ پاکستان میں سیاحتی مقامات کو آباد کر کے ہم مسلم ممالک کے سیاحوں کو راغب کر سکتے ہیں، دنیا میں بہت سے مسلم ممالک کے لوگ چھٹیاں گزارنے یورپ اور دیگر جگہوں پر جاتے ہیں لیکن اسلامو فوبیا کی وجہ سے یورپ اور دیگر ملکوں میں جانے کو تیار نہیں ، پاکستان کے پاس اچھا موقع ہے اپنے ساحلوں کو آباد کر کے دنیا بھر سے سیاحوں کو مدعو کرے اور اپنے اسلامی و معاشرتی روایت کو برقرار رکھتے ہوئے اس کا فروغ کرے، ماضی کے حکمران بلوچستان آنے کے بجائے لندن زیادہ جاتے رہے ہیں۔