ای سی سی اجلاس ،آٹا گھی چینی چاول اور دالوں پر سبسڈی جاری رکھنے کا فیصلہ

| وقتِ اشاعت :  


اسلام آباد : ای سی سی نے بحث کے بعد پانچ ضروری اشیاء پر سبسڈی کو جاری رکھنے کی اجازت دے دی۔وفاقی وزیر خزانہ و محصولات شوکت ترین کی زیر صدارت جمعرات کو اقتصادی رابطہ کمیٹی (ای سی سی )کا اجلاس منعقد ہوا۔اجلاس میں وفاقی وزیر برائے نیشنل فوڈ سیکیورٹی اینڈ ریسرچ سید فخر امام، وفاقی وزیر برائے اقتصادی امور عمر ایوب خان، وزیر مملکت برائے اطلاعات و نشریات فرخ حبیب، وفاقی سیکرٹریز اور دیگر اعلیٰ افسران نے شرکت کی۔ وزارت تجارت نے افغانستان اور ایران کے ساتھ باڈر تجارتی انتظامات کے قیام کے لئے ریگولیٹری سپورٹ فراہم کرنے کے لئے ایک سمری پیش کی۔


حکومت نے ملک کو معاشی وآئینی بحران میں دھکیل دیا ہے ،آصف زرداری

| وقتِ اشاعت :  


لاہور: امیر جماعت اسلامی سراج الحق اور پیپلزپارٹی کے شریک چیئرمین آصف علی زرداری کے درمیان اس امر پر اتفاق پایا گیا کہ موجودہ حکومت نے ملک کو معاشی اور آئینی بحران میں دھکیل دیا ہے اور پی ٹی آئی کی نااہلی اور غلط پالیسیوں کی وجہ سے22کروڑ عوام کی زندگیاں اجیرن ہو گئی ہیں۔ حالات ایسے ہی رہے تو ملک مزید تنزلی اور تباہی کی طرف جائے گا۔ مہنگائی، بے روزگاری سے تنگ عوام اس سیٹ اپ سے چھٹکارا چاہتے ہیں۔ حکومت نے پونے چار برسوں میں اداروںکو تباہ کیا اور جھوٹے وعدوں سے قوم کو دھوکا دیا۔ حکومت نے پارلیمنٹ کو بالائے تاک رکھتے ہوئے غیر جمہوری اور غیر آئینی طریقوں سے ایسے قوانین پاس کروائے جس کی وجہ سے ملک کی خودمختاری، سالمیت، قانون کی بالادستی اور آزادیٔ اظہار رائے شدید متاثر ہوئے۔


تحریک عدم اعتماد پر اپوزیشن کے ساتھ تعاون کی یقین دہانی کا تاثر غلط ہے، مونس الٰہی

| وقتِ اشاعت :  


لاہور: وفاقی وزیربرائے آبی وسائل چودھری مونس الٰہی نے کہا ہے کہ وزیر اعظم کے خلاف تحریک عدم اعتماد پر اپوزیشن کے ساتھ تعاون کی یقین دہانی کا تاثر غلط ہے۔ انہوں نے کہا کہ سیاسی بات چیت اور مشاورت جاری ہے لیکن اس کا مطلب یہ نہیں ہے کہ کوئی فیصلہ ہو چکا ہے۔


بس! اب حکومت نے پارلیمنٹ کا اعتماد کھونا ہے، شازیہ مری

| وقتِ اشاعت :  


ملتان: پاکستان پیپلزپارٹی کی مرکزی رہنما شازیہ عطا مری نے کہا ہے کہ حکومت عوام کا اعتماد کھو چکی ہے اورمائیں و بہنیں حکومت کو گالیاں دی رہی ہیں۔ انہوں نے کہا کہ بس! اب حکومت نے پارلیمنٹ کا اعتماد کھونا ہے۔