قلات: ڈپٹی کمشنر قلات جلال الدین کاکڑ نے گزشتہ دنوں خالق آباد منگچر میں تاجروں پر تشدد کر نے والے تین لیویز اہلکاروں کو معطل کر کے رپورٹ طلب کر لیا ہیں لیویز اہلکارو ں نے چندروز قبل منگچر کے تاجروں کو شدید تشدد کرکے ایک تاجرکو شدید زخمی کردیا تھا ۔

کوئٹہ : بلوچستان نرس ایسوسی ایشن کے زیر اہتمام اپنے مطالبات کے حق میں احتجاج بدستور جاری ہے گزشتہ روز انہوں نے اپنے مطالبات حل کرنے کیلئے چیف جسٹس بلوچستان ہائی کورٹ سے مطالبہ کیا کہ ہمارے مطالبات کے حق میں ازخود نوٹس لیکر کارروائی کی جائے۔

خضدار: بلوچستان نیشنل پارٹی(عوامی)خضدار خواتین ونگ کی سیکرٹری بی بی ندا مینگل شکیلہ زہری مومل زہری نے اپنے مشترکہ بیان میں کہا ہے کہ خضدار میں ایک غریب گھرانے سے تعلق رکھنے والے معلم القرآن زبیدہ زہری کو ایم پی اے خضدار جو بے روزگار نوجوانوں کو ملازمت فراہم کرنے کے جھوٹے دعوے کر کے تکتے نہیں نے بلاوجہ برزور شمشیر فارغ کروا کر اپنے کمیشن ایجنٹ میئر خضدار کی بیٹی کو تعینات کروایا ۔

راولپنڈی: آرمی چیف جنرل قمر جاوید باجوہ کا کہنا ہے کہ امریکی ڈرون حملے دہشت گردی کے خلاف جاری آپریشنز کو متاثر کرنے کے مترادف ہیں تاہم قابل عمل انٹیلی جنس شیئر کی جائے تو پاک فوج بھی کارروائی کی بھرپورصلاحیت رکھتی ہے۔

اسلام آباد: ایف بی آر اور ایس ای سی پی نے پاناما کیس کی تحقیقات کرنے والی جے آئی ٹی کی جانب سے ریکارڈ تبدیل کرنے اور تحقیقات میں رکاوٹیں ڈالنے کے الزامات کو مسترد کر دیا۔

چینی حکومت کی جانب سے سرکاری فنڈنگ کرنے والے بینکوں کو ہدایات جاری کی گئی ہیں کہ وہ سلک روڈ منصوبے پر کام کرنے والی چینی کمپنیوں کو قرض فراہم کریں۔

اسلام آباد: سینیٹ میں قائد حزب اختلاف اور پیپلز پارٹی کے رہنما اعتزاز احسن کا کہنا ہے کہ نواز شریف سعودی عرب اور قطر کے ممنون حسین ہیں۔

اسلام آباد: سپریم کورٹ نے حسین نواز تصویر لیکس اور جے آئی ٹی کے تحفظات سے متعلق درخواستوں کی سماعت کے دوران ریمارکس دیئے ہیں کہ جے آئی ٹی کی راہ میں رکاوٹ ڈالنا عدالتی حکم کی خلاف ورزی ہے، جو جے آئی ٹی کے کام میں رکاوٹیں ڈال رہا ہے وہ سپریم کورٹ کی راہ میں رکاوٹیں ڈال رہا ہے۔

کراچی : چیف آف نیول اسٹاف ایڈمرل ذکاء اللہ نے سری لنکن صدر، وزیر مملکت برائے دفاع اور سیکریٹری دفاع سے ملاقاتیں کیں، خطے میں میری ٹائم سیکیورٹی اور دیگر باہمی دلچسپی کے امور پر تبادلہ خیال کیا گیا۔

مستونگ : مستونگ اور پڑنگ آباد میں ایک ہی کمپنی کے موبائل ٹاورز پر دس منٹ کے وقفے سے دستی بموں سے حملہ ، کوئی جانی نقصان نہیں ہوا۔