بلوچستان میں بجٹ کے حوالے سے حکومت نے کام شروع کردیا ہے اس حوالے سے وزیراعلیٰ بلوچستان میرعبدالقدوس بزنجو اجلاس بھی کررہے ہیں تاکہ صوبے کی بہتری کے حوالے سے بجٹ کو عوام دوست بناتے ہوئے مسائل سامنے رکھ کر منصوبوں کے لیے رقم مختص کی جائے جس سے عوام کو براہ راست فائدہ پہنچے۔ بلوچستان میں مسائل بہت زیادہ ہیں ۔

سابق حکومت پر سب سے زیادہ دباؤ اور تنقید اس بنیاد پر تھی کہ ابترمعیشت کی صورتحال کو بہتر کرنے میں ناکام دکھائی دے رہی تھی کوئی مؤثر اور واضح پالیسی کے ذریعے معیشت کو سنبھالنے کے لیے کام نہیں کیاجارہا تھا ،مستقبل کے حوالے سے بھی اس کے انتہائی منفی اثرات دکھائی دے رہے تھے۔ پی ٹی آئی کے دور حکومت میںباربار وزیر خزانہ کو تبدیل کیاجارہا تھا مگر اس کے باوجود بھی صورتحال پر قابو نہیں پایا جارہا تھا ۔اپوزیشن کا بھرپور دباؤ سیاسی حوالے سے پی ٹی آئی حکومت پر رہی اور اس دوران مہنگائی مارچ سمیت دیگر احتجاجی دھرنے بھی دئیے گئے۔

بلوچستان کے بلدیاتی انتخابات میں آزادامیدواروں نے واضح اکثریت حاصل کرلی۔ووٹنگ میں شہریوں کی بھرپوردلچسپی نظرآئی۔خواتین نے بھی ووٹ کاحق استعمال کیا۔ضلع تربت میں ٹرن آؤٹ 31فیصدرہاجوپاکستان کے کسی بھی بڑے شہرکے ٹرن آؤٹ کے برابرہے۔اب تک کے غیرحتمی نتائج کے مطابق آزادامیدواروں نے ایک ہزارسات سوترپن نشستیں حاصل کرلیں۔

بلوچستان میں بلدیاتی انتخابات کا جلد ہونا خوش آئند ہے کیونکہ ایک منتشر اور وسیع پیمانے پر پھیلے ہوئے خطے کے مسائل کا واحد حل مقامی حکومتیں ہیں بشرطیکہ مقامی حکومتوں کو اسی طرح کا اختیار ملے جو دنیا کے ترقی یافتہ ممالک میں بلدیاتی نظام کو حاصل ہیں۔

ملک میں ایک مسئلہ شفاف احتساب کا ہے جس کا رونا ہر وقت خود سیاسی جماعتیں روتی آئی ہیں کہ نیب جیسے ادارے کو سیاسی کارروائیوں کے لیے استعمال کیاجاتا رہا ہے جو کام اس ادارے کو کرنا چاہئے خود حکمران جماعتوں نے اس سے نہیں لیا۔ احتساب سب کا ہونا چاہئے جو بھی فراڈ دھوکہ دہی سے قومی خزانے کو نقصان پہنچارہا ہے اس کے خلاف کارروائی کے لیے نیب کو مکمل بااختیار ادارہ بنانا چاہئے اگر ماضی کے تجربات کی طرح نیب کو چلایا گیا۔

حکومت نے پیٹرولیم منصوعات کی قیمتوں میں 30 روپے فی لیٹر اضافہ کردیا۔ گزشتہ روز اسلام آباد میں پریس کانفرنس کرتے ہوئے وفاقی وزیر خزانہ مفتاح اسماعیل نے کہا کہ پہلے دن سے کہہ رہا ہوں کہ پیٹرولیم مصنوعات کی قیمتوں میں اضافہ ناگزیر ہے، حکومت نے پیٹرول، ڈیزل اور کیروسین آئل کی فی لیٹر قیمت میں 30 روپے اضافے کا فیصلہ کیا ہے۔

گزشتہ روز پی ٹی آئی کی جانب سے ملک کے مختلف علاقوں میں احتجاجی دھرنا دیا گیا جبکہ عمران خان پشاور سے اسلام آباد کی طرف مارچ کرتے ہوئے اسلام آباد پہنچے ، اس تمام تر صورتحال کے دوران ملک کے بیشتر علاقے میدان جنگ بن کامنظر پیش کرنے لگے، گوکہ اتنی بڑی تعداد یا ہجوم نہیں تھا جس کا دعویٰ پی ٹی آئی کررہی تھی کہ لاکھوں کی تعداد میں عوام نکلے گی۔

پی ٹی آئی مارچ نے ہنگامہ برپاکردیا، ملک کے بیشتر علاقے میدان جنگ بن گئے۔ پولیس اور پی ٹی آئی کارکنان کے درمیان جھڑپیں ہوئیں بعض مقامات پر دھرنا بھی دیاجارہا ہے ۔ پی ٹی آئی کی جانب سے حکومت کے خلاف دھرنے کا اعلان کیا گیا تھا جو اسلام آبادڈی چوک پر اپنا پڑاؤ ڈالے گی۔

پی ٹی آئی دھرنے سے نمٹنے کے لیے وفاقی حکومت نے سخت اقدام اٹھانے کا فیصلہ کرلیا ہے اسلام آباد دھرنے سے قبل ہی ملک بھر میں ہنگامہ آرائی کا خدشہ ہے پی ٹی آئی کی جانب سے یہ دعویٰ کیاجارہا ہے کہ وہ پُرامن دھرنا دینگے ۔