صحبت پور:وزیر اعلیٰ بلوچستان میر سرفراز بگٹی جمعہ کو صحبت پور پہنچے جہاں انہوں نے بھاگ ناڑی میں دہشت گردوں سے مقابلے میں شہید ہونے والے ایس ایچ او لطف علی کھوسہ اور کانسٹیبل محمد اعظم کے اہل خانہ سے ملاقات کی وزیر اعلیٰ نے شہداء کے لواحقین سے تعزیت اور فاتحہ خوانی کی اور ان کی عظیم قربانیوں کو خراجِ عقیدت پیش کیا وزیر اعلیٰ بلوچستان میر سرفراز بگٹی نے کہا کہ ایس ایچ او لطف علی کھوسہ اور ان کی ٹیم نے جرات، دلیری اور جوانمردی سے دہشت گردوں کا مقابلہ کیا اور صدیوں پرانی بلوچ روایات کو زندہ رکھتے ہوئے دہشتگردوں کے سامنے ہتھیار ڈالنے کے بجائے بہادری سے لڑتے ہوئے جامِ شہادت نوش کیا

کوئٹہ:ایف آئی اے نے جیوانی میں کارروائی کے دوران غیرقانونی طور پر سمندر کے راستے ایران جانے والے 9افراد کو گرفتار کرلیا۔ ترجمان ایف آئی اے کے مطابق ایف آئی اے کمپوزٹ سرکل گوادر نے جیوانی میں کارروائی کرتے ہوئے سمندر کے راستے غیر قانونی طور پر ایران جانے والے 9 افراد کو گرفتار کرلیا

کوئٹہ: پاکستان پیپلز پارٹی کے مرکزی کمیٹی کے رکن و رکن صوبائی اسمبلی حاجی علی مدد جتک اپنے عوامی خدمت کے جذبے اور عوام دوست رویے کے باعث سریاب کے عوام میں بے حد مقبول ہیں۔ حال ہی میں وہ جتک ہاؤس آصف آباد میں اپنے حلقے کے مختلف علاقوں سے آئے ہوئے لوگوں سے ملے، جہاں عوام نے اپنے مسائل پیش کیے۔اس موقع پر حاجی علی مدد جتک نے عوام کے مسائل نہایت توجہ سے سنے اور ان کے فوری حل کے لیے متعلقہ محکموں کو ہدایات جاری کیں۔

امریکہ کے وزیرِ جنگ پیٹ ہیگسیتھ کا کہنا ہے کہ امریکہ اور انڈیا کے درمیان 10 سالہ دفاعی تعاون کے فریم ورک پر دستخط کیے گئے ہیں۔

کوئٹہ :وزیرِ اعلیٰ بلوچستان میر سرفراز بگٹی کی زیرِ صدارت سیکرٹریز کمیٹی کا اعلیٰ سطح اجلاس منعقد ہوا، جس میں صوبے کے 38 محکموں کی سہ ماہی کارکردگی رپورٹس پیش کی گئیں۔ اجلاس میں چیف سیکرٹری شکیل قادر خان نے بریفنگ دیتے ہوئے بتایا کہ محکموں کی کارکردگی کا جائزہ 644 مختلف پیمانوں پر لیا گیا۔

محکمہ داخلہ بلوچستان کی جانب سے جاری بیان میں بتایا گیا ہے کہ موبائل فون ڈیٹا سروس امن و امان کی صورتحال کے باعث 24 گھنٹے کے لیے بند کی گئی ہے۔

تربت: بلوچ اسٹوڈنٹس ایکشن کمیٹی کا چوتھا مرکزی کونسل سیشن ‘‘بیادِ عطاشاد و آزات جمالدینی، بنامِ بلوچ خواتین’’ تنظیم کے سابق چیئرمین شبیر بلوچ کے زیرصدارت کیچ میں منعقد ہوا۔

کوئٹہ:  سینئر سیاستدان و سابق سینیٹر نوابزادہ حاجی میر لشکری خان رئیسانی نے کہا ہے کہ وہ معاشرے ترقی کرتے ہیں جو اپنے پسماندہ طبقات خاص طور پر خواتین اور خصوصی افراد کو ترقی کی دوڑ میں شامل کرتے اور ان کو خصوصی شناخت فراہم کرتے ہیں تاکہ یہ لوگ بھی معاشرہ کا کارآمد حصہ بن کر اپنا کردار ادا کریں۔

گوادر:  چینی کمپنی جِنکو سولر نے گوادر نارتھ فری زون میں تقریباً 20 ایکڑ رقبے پر سولر انڈسٹریل پارک قائم کرنے میں دلچسپی ظاہر کی ہے کیونکہ ساحلی شہر میں سولرائزیشن کے منصوبوں میں تیزی آ رہی ہے۔

نئی دہلی: بھارت کو ایران میں واقع چاہ بہار بندرگاہ منصوب پر امریکی پابندیوں سے چھ ماہ کے لیے استثنیٰ مل گیا ہے۔