چمن: چمن پاک افغان بارڈر پر چھوتے بھی صبح 12 سے شام 5بجے تک تجارت بحال رہی جس میں ٹرانزٹ ٹریڈ کے درجنوں ٹرک پاکستان سے افغانستان میں داخل ہو جبکہ افغانستان سے فرش فروٹ پاکستان میں لایا گیا ڈپٹی کمشنر ضلع چمن جمعہ داد مندوخیل نے پاک افغان تجارت کو بحال کرنے میں اہم کردار ادا کیا بحالی کے حوالے سے خط ارسال کیا گیا۔

الاسکا: ریاست الاسکا کے قریب سمندر میں 8.2 شدت کے زلزلے کے بعد سونامی کی وارننگ جاری کردی گئی ہے۔امریکی جیولوجیکل سروے کے مطابق ریاست الاسکا کے قریب سمندر میں8.2 شدت کا زلزلہ ریکارڈ کیا گیا تاہم کسی جانی یا مالی نقصان کی کوئی اطلاع نہیں ملی۔ زلزلے کا مرکز 91 کلومیٹر دور اور گہرائی 29 کلومیٹر ریکارڈ کی گئی جب کہ زلزلے کے بعد ریاست الاسکا کے لئے سونامی کی وارننگ جاری کردی گئی ہے۔

 بغداد: عراق میں آرمی کا ہیلی کاپٹر گر کر تباہ ہوگیا جس کے نتیجے میں 5 فوجی ہلاک ہوگئے۔غیر ملکی خبررساں ادارے کے مطابق عراق کے دارالحکومت بغداد میں دہشت گردوں کے خلاف آپریشن کے دوران عراقی آرمی کا ہیلی کاپٹر گرکر تباہ ہوگیا

امریکا کے شہر نیویارک میں ویکسین لگوانے والوں کو 100 ڈالر دینے کا اعلان کیا گیا ہے۔غیر ملکی میڈیا کے مطابق نیو یارک کے میئر نے لوگوں کو ویکسین لگوانے کے بدلے 100 ڈالر دینےکااعلان کیا ہے۔

امریکا نے انسانی حقوق کی خلاف ورزیوں پر بھارت کوخبردار کردیا۔دورہ بھارت پر گئے امریکی وزیر خارجہ انتھونی بلنکن نے مودی حکومت کو متنبع کیا کہ وہ جمہوریت کو کمزور کرنے سے باز رہیں۔ 

چین میں انسانی حقوق پر کام کرنے والے ارب پتی شخص سن داؤو کو لوگوں کو ریاست اور ریاستی اداروں کے خلاف بغاوت پر اکسانے کے الزام میں 18 سال کی سزا سنائی گئی ہے۔67 سالہ  ارب پتی سن داؤو چین کے شمالی صوبہ ہیبی میں ملک کے سب سے بڑے سور پالنے اور نجی زرعی کاروبار سے منسلک ہیں۔

کورونا وائرس سے متاثرہ افراد کی مجموعی تعداد 19 کروڑ 67 لاکھ 12 ہزار سے تجاوز کر گئی جبکہ 42 لاکھ  3 ہزار 749 افراد جان کی بازی ہار چکے ہیں۔دنیا بھرمیں کورونا سے صحت یاب ہونے والوں کی تعداد 17 کروڑ 81 لاکھ 24 ہزار سے زائد اور فعال کیسز کی تعداد ایک کروڑ 43 لاکھ 84 ہزار سے زائد ہے۔

چین نے افغان طالبان کے وفد سے ملاقات میں اس امید کا اظہار کیا ہے کہ افغانستان میں جنگ کے خاتمے کے لیے اہم کردار ادا کریں گے اور طالبان مشرقی ترکستان کی اسلامی تحریک کے خلاف بھی کارروائی کریں گے۔

قندھار:  مشہور افغان مزاحیہ اداکار نذر محمد المعروف ’خاشا زوان‘ کو مبینہ طور پر طالبان نے اغوا کے بعد بدترین کا تشدد کا نشانہ بناکر قتل کر دیا تاہم طالبان نے اس کی تردید کی ہے۔

ترجمان طالبان محمد نعیم کا کہنا ہے کہ طالبان کا 9 رکنی وفد ملا عبدالغنی برادر کی قیادت میں چین کے دو روزہ دورے پر ہے۔