امریکی وزیر دفاع پیٹ ہیسگتھ نے پینٹا گون کے نمائندے کے ہمراہ نیوز کانفرنس سے خطاب کرتے ہوئے کہا کہ  ایران کی جوہری تنصیبات سے متعلق غلط خبریں پھیلائی گئیں، امریکی صدر ٹرمپ نے ایران اسرائیل جنگ بند کرائی، آئی اے ای اے نے تصدیق کی کہ ایرانی جوہری تنصیبات کو نقصان پہنچا۔

ایران کے سپریم لیڈر آیت اللہ خامنہ ای نے کہا ہے کہ امریکا ایران اسرائیل جنگ میں اس لیے شامل ہوا کیوںکہ اسے لگا کہ ایران اسرائیل کو مکمل طور پر تباہ کردے  گا۔

امریکی صدر ڈونلڈ ٹرمپ کا کہنا ہے کہ جنگ کے بعد ایران کو اپنی معیشت سنبھالنی ہوگی۔ ایران چین سمیت جسے چاہے تیل بیچ سکتا ہے۔

 اسرائیلی وزیر اعظم نیتن یاہو کا کہنا ہے کہ اسرائیل کو آج تک وائٹ ہاؤس میں ٹرمپ سے بہتر کوئی دوست نہیں ملا۔

آسٹریلیا، نیوزی لینڈ، یورپی یونین اور جاپان نے ایرانی جوہری ہتھیاروں کو دنیا کیلئے خطرہ قرار دیتے ہوئے کہا ہے کہ خطے میں کشیدگی میں کمی کیئے سفارتکاری کا راستہ اپنایا جائے۔

ایرانی وزیر خارجہ عباس عراقچی نے کہا ہےکہ امریکا نے ایران کی جوہری تنصیبات پر حملہ کرکے بڑی ریڈلائن کراس کی ہے، جواب دینے کا حق محفوظ رکھتے ہیں اور جواب دیں گے، ہمارے جواب کا انتظار کریں۔

امریکا بھی ایران کے خلاف اسرائیل کی جنگ میں شامل ہوگیا اور امریکی طیاروں نے فردو، نطنز اور اصفہان میں جوہری تنصیبات پر بمباری کردی۔

عرب لیگ کے وزرائے خارجہ نے ایران پر اسرائیلی جارحیت کی شدید مذمت کرتے ہوئے کشیدگی میں کمی کی اپیل کردی۔

 عرب لیگ نے ایران پر اسرائیلی فضائی حملوں کی سخت مذمت کی ہے اور فوری طور پر عسکری کشیدگی روکنے کا مطالبہ کیا ہے۔

ترکیہ کے صدر طیب اردوان نے کہا ہےکہ نیتن یاہو ہٹلر پورےخطے کو تباہی کی طرف دھکیلنا چاہتا ہے لہٰذا مسلمانوں کا اتحاد وقت کی ضرورت ہے اور یہ وقت ہے کہ اپنے اختلافات کو ختم کرکے ایک ہوجائیں۔

اقوام متحدہ کے سیکریٹری جنرل  انتونیو گوتریس کا کہنا ہے کہ امن کو موقع دیاجائے،جنگ کسی بھی مسئلے کا حل نہیں،سیکیورٹی کونسل کا واضح پیغام صرف امن اور امن ہے۔