کراچی : گذشتہ روز جیونی میں دہشت گردی کی ایک بزدلانہ کاروائی کے نتیجے میں جامِ شہادت نوش کرنے والے پا ک بحریہ کے دو اہلکاروں سید حسن رضا( میڈیکل ٹیکنیشن) اور خلیل مراد (لیڈنگ فائر مین) کی نماز جنازہ آج یہاں پاک بحریہ کے ہسپتال پی این ایس شفاء میں اد ا کردی گئی۔ چیف آف نیول اسٹاف ایڈمرل محمد ذکاء اللہ نے بھی نماز جنازہ میں شرکت کی۔

خضدار : بلوچستان نیشنل پارٹی کے مرکزی قائد سردار اخترجان مینگل کی رہائش گاہ (سرداری قلعہ) پر بم حملے کے خلاف بلوچستان نیشنل پارٹی خضدارکیجانب سے ایک ریلی نکالی گئی ااور پریس کلب کے باہر مظاہرہ کیا گیا۔

گوادر : سول ایوی ایشن گوادر نے گوادر انٹر نیشنل ایئر پورٹ یکم جولائی سے تیس جولائی تک ہر قسم کی آپریشنل کیلئے بند کرنے کا نوٹیفیکشن جاری کر دیا ۔ گوادر ایئر پورٹ کی رن وے و دیگر ایریا کی توسیعی کی جائے گی ۔

قلات : بلوچستان کے علاقے قلات میں دو نامعلوم موٹر سائیکل سواروں نے ریٹائرڈ ڈی ایس پی کیپٹن خدابخش دہوار کے گیارہ سالہ معصوم کمسن بچے حسنین پر تیزاب پھینک کر فرار ہوگئے۔

کوئٹہ: وزیراعلیٰ بلوچستان نواب ثناء اللہ خان زہری نے جیونی بازار میں نامعلوم دہشتگردوں کی فائرنگ سے پاک بحریہ کے دو جوانوں کی شہادت اور دیگر کے زخمی ہونے کے واقعہ پر گہرے رنج اور افسوس کا اظہار کرتے ہوئے اس کی شدید مذمت کی ہے ۔

کوئٹہ: کیچ میں فائرنگ کے دو مختلف واقعات میں دو افراد زخمی ہوگئے۔لیویز کے مطابق کیچ کے علاقے مند میں نامعلوم افراد نے فائرنگ کرکے گنگازر ولد یوسف نامی شخص کو زخمی کردیا اور فرار ہوگئے۔

اسلام آباد: سپریم کورٹ نے پاناما عملدرآمد کیس میں جے آئی ٹی کی درخواست کی سماعت کے دوران ریمارکس دیئے ہیں کہ میڈیا اورحکومتی نمائندے منظم مہم چلا رہے ہیں۔

اسلام آباد: نیول چیف ایڈمرل ذکا اللہ نے چیمپئنز ٹرافی جیتنے پر قومی ٹیم کو مبارکباد دی۔

اسلام آباد: ڈاکٹرعاصم کا نام ای سی ایل سے نکالنے کے لیے سپریم کورٹ میں درخواست دائر کردی گئی ہے۔

اسلام آباد : پاورڈسٹری بیوشن کمپنیوں کی واجب الادارقوم قابوسے باہرہونے لگیں ،صارفین کوبجلی سپلائی کی مدمیں یہ رقوم 537ارب روپے سے بھی بڑھ گئی ہیں ،بلوچستان میں صورتحال اس سے بھی زیادہ گھمبیرہے ۔