کوئٹہ: امیر جماعت اسلامی بلوچستان مولانا عبدالحق ہاشمی نے کہاکہ پی ٹی آئی کی حکومت مسلسل عوام پر مہنگائی کے نشتر چلارہی ہے۔ پٹرول ، بجلی، گیس ، اشیاء خوردونوش سمیت تمام ضروریات زندگی کی چیزیں عوام کی دسترس سے باہر ہوچکی ہیں۔ ماہرین رواں سال بجلی، گیس اور پٹرولیم مصنوعات کے نرخوں میں کم ٹیکس اہداف کے باعث اضافے کا خدشہ ظاہر کررہے ہیں۔
کوئٹہ: بلوچستان بار کونسل کے جاری ایک بیان میں بلوچ قوم پرست رہنما کریمہ بلوچ کے لاش کی بے حرمتی اور ان کے آخری رسومات میں رکاوٹیں کھڑی کرنے کی شدید الفاظ میں مذمت کرتے ہوئے کہا کہ کریمہ بلوچ کے خاندان کو یہ حق پہنچتا ہے کہ وہ ان کی رسومات اپنے مرضی کے ساتھ ادا کریں ۔
لسبیلہ: صوبائی وزیر داخلہ میر ضیاء اللہ لانگو کی زیرصدارت صوبے میں امن وامان و دیگر انتظامی امور کا جائزہ لینے کے سلسلے میں اعلی سطحی اجلاس طلب وزیرداخلہ بلوچستان نے پولیس، لیویز،اور قانون نافذ کرنے والے دیگر اداروں کو کسی بھی ناخوشگوار صورتحال سے نمٹنے کے لئے الرٹ رہنے کی ہدایت کی۔
کوئٹہ: جمعیت علما اسلام کے صوبائی امیر مولانا عبدالواسع نے کہا ہے کہ حلقہ پی بی20پشین پر ضمنی انتخابات میں جمعیت علما اسلام اور اتحادی جماعتیں کامیابی حاصل کرے گی اگر سلیکٹد صوبائی حکومت نے دھاندلی کرنے کی کوشش کی تو اس کو بھرپور جواب دیا جائے گا عوام نے سلیکٹڈ ٹولے کو مسترد کردیاگیا ہے اور پشین کے عوام نے ہمیشہ جمعیت علما اسلام پر اعتماد کا اظہار کیا ہے ۔
امیر جماعت اسلامی سراج الحق کا کہنا ہےکہ جماعت اسلامی پاکستان اسٹیل ملز کے مزدوروں کی پشت پر موجود ہے،کرپٹ حکمرانوں کی وجہ سے ادارہ تباہ و برباد ہوگیا۔
کوئٹہ: صوبائی پارلیمانی سیکرٹری اطلاعات بشریٰ رند نے کہا ہے کہ وزیراعلیٰ بلوچستان جام کمال خان کی قیادت میں صوبائی حکومت صوبہ کی خوشحالی کے وژن پر کار بند ہے، عوام کے فلاح و بہبود کے کام موجودہ صوبائی حکومت کی اولین ترجیح ہے،با لخصوص بنیادی سہولیات کی فراہمی جن میں پینے کے صاف پانی، صحت، تعلیم اور انفرااسٹرکچر کی ترقی و بحالی شامل ہیں۔
کوئٹہ: بلوچستان نیشنل پارٹی کے مرکزی رہنماء ممبرمرکزی کمیٹی چیئرمین جاویدبلوچ نے کہاہے کہ سیاسی حالات اپنی جگہ بلوچستان کے عوام انتہائی تشویشناک زندگی گزارنے پرمجبورہے۔
کوئٹہ: ڈائریکٹریٹ برائے کالجز و ہائیر ایجوکیشن بلوچستان نے جاری ایک پریس ریلیز میں ملک کے دیگر صوبوں کے جامعات اور کالجز میں صوبے کے کوٹے پر داخلہ لینے والے چند من گھڑت اور گمراہ کن بیانات سمیت سوشل میڈیا ،اور دیگر ذرائع ابلاغ میں بیجا تنقید اور پروپگنڈا کا سختی سے نوٹس لیتے ہوئے اس امر کی وضاحت کی ہے کہ صوبے کے کوٹے پر دیگر صوبوں میں جامعات اور تعلیمی اداروں میں مخصوص نشستوں پر داخلے میں حکومتی وضح کردہ پالیسی کو ملحو ظ خاطر رکھتے ہوئے میرٹ اور شفافیت کی مکمل پاسداری کو یقینی بناتے ہوئے طلباء اور طالبات کی نامزدگی کو یقینی بنایا جاتا ہے۔
کوئٹہ: جھالاوان عوامی پینل کے رہنماءمیر ابرار جان مینگل اور سردار زادہ میر شہزاد غلامانی نے کہا ہے کہ جھالاوان عوامی پینل کی مقبولیت سے خائف جماعت کے لوگ بے بنیاد الزامات لگارہے ہیں، میر شفیق الرحمٰن مینگل پر الزامات لگانااپنے کرتوتوں پر پردہ ڈالنے کے مترادف ہے۔ان خیالات کا اظہار انہوں نے ہفتہ کو کوئٹہ پریس کلب میں پریس کانفرنس کرتے ہوئے کیا۔ اس موقع پر میر فدا احمد قلندرانی ، نیاز احمد گرگناڑی اور میر خالد نصیر گرگناڑی بھی موجود تھے۔
تمبو: پاکستان نیشنل پارٹی عوامی کے مرکزی صدر ورکن صوبائی اسمبلی سید احسان شاہ نے کہاہے کہ چائنہ کی جانب سے سی پیک کے نام پر دی جانے والی 62ارب ڈالر میں سے بلوچستان میں ایک ڈالر بھی خرچ نہیں کیاگیاسی پیک بلوچستان کے نام پر حاصل کرکے بلوچستان کو پسماندہ رکھ کر حکمرانوں نے دیگر صوبوں پر اس کے فنڈز خرچ کردئے اوینج لائن ٹرین کو بھی سی پیک کے فنڈز سے تعمیر کیا گیا ۔