کوئٹہ: سیاسی جماعتوں کے رہنماء ،وکلاء ،سول سوسائٹی کے نمائندوں ،صحافیوں اور سماجی وانسانی حقوق کے کارکنوں نے کہا ہے پاکستان اس وقت مشکل دور سے گزررہا ہے ملک کی سیاست کا محور عوامی مسائل کا حل نہیں بلکہ انتقام کی سیاست ہے، سیاست میں مداخلت نے سیاسی نظام کو نقصان پہنچایا ہے ،معاشی اور معاشرتی حالات ابتر ہوتے جارہے ہیں ،عوامی مسائل پر پارلیمنٹ کی توجہ نہ ہونے کی وجہ سے لوگوں میں احساس محرومی بڑھ رہا ہے ،سیاسی نظام کو پنپنے نہ دیا گیا تو لوگ پہاڑوں پر جانے پر مجبور ہونگے ، لوگوں کے مسائل کو سننے اور انہیں حل کرنے کی سکت پیداکرنے کی ضرورت ہے ،اگر نیا عمرانی معاہدہ بھی کرنا پڑے تو یہ اقدام بھی اٹھایا جائے ،
کوئٹہ(این این آئی) وزیراعلیٰ بلوچستان میر عبدالقدوس بزنجو نے کہا ہے وزیراعظم کی واضح ہدایات کے باوجود وفاقی محکمے ٹس سے مس نہیں ہورہے بلوچستان کے مالی بحران کو حل کرنے میں لیت و لعل سے کام لیا جارہا ہے، صوبے کے گزشتہ مالی سال کے 15سے 20اور رواں مالی سال کے 30ارب جبکہ پی پی ایل کے 32ارب روپے کے واجبات ادا نہیں کئے جارہے، بلوچستان کے مالی بحران پر وفاقی حکومت نے فوری اقدامات نہ کئے تو مشکلات میں اضافہ ہوگا اور پی پی ایل نے واجبات ادا نہ کئے تو صوبہ سخت فیصلہ کرنے پر مجبور ہوگا۔یہ بات انہوں نے جمعہ کو اپنے ویڈیو بیان میں کہی۔
کوئٹہ: وزیراعلیٰ بلوچستان میر عبدالقدوس بزنجو نے کہا کہ بلوچستان عوامی پارٹی کا انگریزی میں مطلب پاکستان پیپلز پارٹی ہی بنتا ہے ، 2018او ر 2021میں حکومتی تبدیلیاںخالصتا ارکان اسمبلی کے ذریعے آئیں ،پہاڑوں پر جانے والے لوگوں نے بلوچ قوم اور صوبے کا فائدہ کرنے کے بجائے انکا نقصان کیا ہے ، پہاڑوں پر جانے والے پڑھے لکھے اور سمجھدار ہیں انہیں عوام کی حمایت حاصل نہیں لہذا و ہ اپنا فیصلہ واپس لیکر ملک کے فریم ورک کے اندر جدوجہد کریں،اسمبلیاں عوام کی امانت ہیں انہیں پانچ سالہ مدت مکمل کرنی چاہیے، گوادر کی بہتری کی ذمہ داری وفاقی حکومت کو لینی چاہیے ، بلوچستان کو این ایف سی کاحصہ نہ دینا عجیب فیصلہ ہے ،احسن اقبال سمجھدار ہیں لیکن بلوچستان کے معاملے پر انہیںسنجیدیگی سے اقدامات کرنے چاہیے ۔ یہ بات انہوں نے نجی ٹی وی سے گفتگو کرتے ہوئے کہی ۔وزیراعلیٰ میر عبدالقدوس بزنجو نے کہا کہ سیاست میں اتار چڑھائو آتا رہتا ہے اسمبلیاں ہمارا اثاثہ ذاتی نہیں ہمیں عوام نے پانچ سال کے لئے اسمبلی میں منتخب کر کے بھیجا ہے میں عوام کی آخری منٹ تک ترقی کے لئے کام کرونگا اسمبلی پر اختیار عوام کا ہے اسمبلی کی مد ت پانچ سال ہے ہمیں اسے مکمل مدت تک چلانا چاہیے بلوچستان میں اسمبلی اپنی مدت مکمل کریگی ۔
سعودی وزیر خزانہ محمد الجدعان کا کہنا ہےکہ سعودی عرب اب غیر مشروط غیر ملکی گرانٹس نہیں دے گا اور ہم بیرونی ممالک کو امداد دینے کے طریقے کو تبدیل کررہے ہیں۔
کوئٹہ: کوئٹہ سمیت بلوچستان کے مختلف علاقوں میں بارش اور برفباری ، متعدد رابطہ سڑکیں بند ہوگئیں ، پی ڈی ایم اے، این ایچ اے، ایف ڈبلیو او سمیت ضلعی انتظامیہ نے شاہراہوں سے برف ہٹانے کا کام شروع کردیا ، صوبے بھر میں سردی کی شدت میں اضافہ،گیس پریشر کم ہونے کے باعث شہریوں کے مسائل گھمبیر ہوگئے ۔تفصیلات کے مطابق بدھ کی صبح کوئٹہ، ، مستونگ ،کولپور، کان مہترزئی، زیارت، خانوزئی ، مسلم باغ،لورالائی ، چمن ، قلعہ عبداللہ، قلعہ سیف اللہ میں برفباری جبکہ ہرنائی، ژوب،قلات، سبی ، نوکنڈی،دالبندین ، خضدار، تربت، چاغی ، خاران ، واشک ،پنجگور ، کیچ اور مکران کے ساحلی علاقوں میں بارش کا سلسلہ شروع ہوا جو رات گئے تک جاری رہا ۔برفباری کے باعث لک پاس، زیارت، خانوزئی ، کان مہترزئی، خوجک پاس، کولپور کے مقامات پر قومی شاہراہوں اور رابطہ سڑکوں پر برف جمنے سے ٹریفک کی روانی متاثر ہوئی تاہم وقفے وقفے سے پی ڈی ایم اے، این ایچ اے، ایف ڈبلیو او اور ضلعی انتظامیہ کی مشینری نے سڑکوں پر ہلکی اور بھاری مشینری کے ذریعے برف ہٹانے کا کام جاری رکھا جس سے ٹریفک کی روانی برقرار رہی تاہم بعض مقامات پر بڑی اور چھوٹی گاڑیوں کو حفاظتی اقدامات کے طور پر روک دیا گیا ۔
راولپنڈی: پاک فوج کے سربراہ جنرل سید عاصم منیر نے واضح کیا ہے کہ ہم اپنے بیرونی دشمنوں کے مذموم عزائم سے با خبر ہیں، بیرونی دشمن مشکلوں سے حاصل کیے گئے بلوچستان کے امن کو خراب کرنا چاہتے ہیں۔آئی ایس پی آر کے مطابق آرمی چیف جنرل سید عاصم منیر نے بلوچستان کے علاقوں خضدار اور بسیما کا دورہ کیا، دورہ کے دوران سید عاصم منیر کو سکیورٹی کی صورتحال پر بریفنگ دی گئی۔
کوئٹہ: وزیراعلیٰ بلوچستان میر عبدالقدوس بزنجو نے کہا ہے کہ بلوچستان کے نوجوانوں میں ٹیلنٹ کی کوئی کمی نہیں صوبے کے نوجوانوں کا کرکٹ کے کھیل سے لگاؤ زیادہ ہے اگر انہیں اپنی صلاحیتیں مزید نکھارنے کا موقع دیتے ہوئے مناسب پلیٹ فارم فراہم کیا جائے تو یہ صوبے اور ملک کا نام روشن کر سکتے ہیں ان خیالات کا اظہار انہوں نے سریاب روڈ کوئٹہ پر اسپورٹس کمپلیکس میں شاہد آفریدی فاونڈیشن کے زیر انتظام ممتاز سابق قومی کرکٹر شاہد آفریدی کے ہمراہ صوبے کے نوجوانوں کے لیے کرکٹ اکیڈمی کے سنگ بنیاد کی تختی کی نقاب کشائی کرتے ہوئے کیا۔
کوئٹہ: وزیراعلیٰ بلوچستان میر عبدالقدوس بزنجو نے کہا ہے کہ ریکو ڈک منصوبے پر عملدرآمد کا آغاز بلوچستان اور پاکستان کیلئے خوش بختی کا باعث ہے، ہم مشکل مراحل سے گزر کر یہاں تک پہنچے ہیں جبکہ بیرک گولڈ کارپوریشن کے چیف ایگزیکٹو مسٹر مارک بریسٹو ہم نئے سال کے آغاز پرریکوڈک منصوبے پر کام کرنے کا آغاز کر رہے ہیں بیرک گولڈ کارپوریشن نے کوئٹہ میں پراجیکٹ دفتر قائم کر دیا ہے کمیونٹی کے ساتھ خوشگوار اور با اعتماد تعلقات کا قیام اور انکی ویلفیئر ہماری اولین ترجیح ہو گی یہ بات انہوں نے گزشتہ روز ریکو ڈک معاہدے کے حوالے سے وزیراعلیٰ سیکرٹریٹ میں منعقدہ تقریب سے خطاب کرتے ہوئے کہی تقریب میں بیرک گولڈ کارپوریشن کے چیف ایگزیکٹو مسٹر مارک بریسٹو، بلوچستان اسمبلی میں اپوزیشن لیڈر ملک سکندر خان ایڈووکیٹ صوبائی وزراء حکومت اور اپوزیشن اراکین اسمبلی اورریکو ڈیک منصوبے کی ٹیم کی بھی شریک ہوئے۔
کوئٹہ(اسٹاف رپورٹر) بلوچستان پیس فورم کے سربراہ نوابزادہ حاجی میر لشکری خان رئیسانی نے کہا ہے کہ 21 جنوری کو کوئٹہ کے نوری نصیر خان کلچرل کمپلیکس میں منعقدہ سمینار میں انسانی حقوق، ملک و صوبے کی معاشی اقتصادی صورتحال پر بات ہوگی، سیمینار کے انعقاد کا مقصد ڈائیلاگ کی روایت کو برقرار رکھتے ہوئے صوبے کی آواز کو آگے بڑھانا ہے،یہ بات انہوں نے جمعہ کو کوئٹہ پریس کلب میں صحافیوں سے بات چیت کرتے ہوئے کہی۔ اس موقع پرنوابزادہ حاجی میر لشکری خان رئیسانی نے کوئٹہ پریس کلب کے صدر عبدالخالق رند، جنرل سیکرٹری بنارس خان، پی ایف یو جے کے مرکزی جوائنٹ سیکرٹری ایوب ترین، بلوچستان یونین آف جرنلسٹس کے جنرل سیکرٹری منظور بلوچ کو 21 جنوری کو بلوچستان پیس فورم کے زیراہتمام ہونے والے سیمینار میں شرکت کیلئے دعوت نامے دیئے۔