کوئٹہ: نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے کیچی بیگ سریاب میں بڑے شمولیتی جلسہ عام سے خطاب کرتے ہوئے کہا ہیکہ بلوچستان کا ایک ایک پتھر ہمارے لیئے اہمیت کا حامل ہے اور نیشنل پارٹی خود کو اس کا محافظ سمجھتا ہے ریکوڈک اور سیندک سے ہمارا مستقبل وابستہ ہے اس لیے جب میں وزیراعلی تھا سیندک معاہدہ کی توسیع کا فائل میرے سامنے لایا گیا تو میں نے دستخط کرنے سے انکار کردیا میرے وزیراعلی شپ جانے کے فوری بعد توسیع کا یہ معاہدہ دستخط ہوا اسی طرح جب ریکوڈک سے متعلق ان کیمرہ بریفنگ ہورہا تھا میں سمجھ گیا کہ ریکوڈک کے ساتھ کیا کچھ یہ کرنے والے ہیں مجھے وزیراعلی قدوس بزنجو نے ان کیمرہ بریفنگ میں شرکت کی دعوت دی میں نے انکار کیا جو جو لوگ ان کیمرہ بریفنگ میں شامل ہوئے تاریخ آن کے بارے میں خود فیصلہ کرے گا۔
کوئٹہ: بلوچستان نیشنل پاٹی کے سربراہ سرداراختر مینگل نے کہا ہے کہ حکومت میں شامل ہونے کی کوئی جلدی نہیں ہے جمعیت علماء اسلام اور بی این پی نے اس بات پر اتفاق کیا ہے کہ حکومت میں شامل ہونے یا نہ ہونے کا فیصلہ پارٹی کی سینٹرل کمیٹی کے اجلاس میں کیا جائے گا۔یہ بات انہوں نے جمعہ کو صحافیوں سے بات چیت کرتے ہوئے کہی۔ انہوں نے کہا کہ گزشتہ دنوں مولانا صاحب سے ملاقات میں بلوچستان حکومت میں شامل ہونے کے حوالے سے تمام پہلووں کا جائزہ لیاگیا اوراس بات پراتفاق کیا گیا کہ موجودہ سیاسی صورتحال میں حکومت میں جانا بہتر ہے یا نقصان دہ ہے ہم سمجھتے ہیں کہ ہمیں حکومت جاتی ہوئی نظر آرہی ہے ایسا نہ ہو کہہ ہم بھی جاتے ہوں میں شمار ہوں۔
کوئٹہ: بلوچستان عوامی پارٹی کے مرکزی صدر وزیراعلیٰ بلوچستان میر عبدالقدوس بزنجو نے سابق وزیراعلیٰ بلوچستان جام کمال خان سے ان کی رہائش گاہ پر ملاقات کی اراکین صوبائی اسمبلی میر عارف جان محمد حسنی، میر سلیم احمد کھوسہ اور سابق صوبائی وزیر پرنس علی احمد زئی بھی اس موقع پر موجود تھے دونوں رہنماؤں کے درمیان خوشگوار ماحول میں ہونے والی ملاقات میں صوبے کی موجودہ سیاسی صورتحال پارٹی امور، ترقیاتی منصوبوں اور کوئٹہ ترقیاتی پیکج پر تبادلہ خیال کیا گیا ملاقات میں صوبے میں حالیہ سیلابی بارشوں سے پیدا ہونے والی صورتحال،صوبائی حکومت کی جانب سے اٹھائے جانے والے اقدامات اور امدادی سرگرمیوں پر بھی بات چیت کی گئی وزیراعلیٰ نے کہا کہ ضلع لسبیلہ کے متاثرہ علاقوں میں امدادی سرگرمیوں کو تیز کیا گیا ہے اور صوبہ بھر میں سیلاب سے متاثرہ اضلاع میں امداد اور بحالی کا کام جاری ہے کوئٹہ ترقیاتی پیکج پر پیش رفت کو تیز کیا جارہا ہے۔
اسلام آباد: وزیراعظم میاں شہباز شریف سے بلوچستان نیشنل پارٹی کے قائد مرکزی صدر سردار اختر جان مینگل نے ملاقات کی اس موقع پر پارٹی قائد سردار اختر جان مینگل کو وزیراعظم میاں شہباز شریف اور وفاقی وزیر داخلہ رانا ثناء اللہ ‘ وفاقی وزیر ریلوے سعد رفیق و ن لیگی قیادت نے یقین دہانی کرائی کہ موجودہ حکومت بلوچستان کے مسئلے کو گفتگو و شنید اور مذاکرات کے ذریعے حل کرنے کی کوششیں کرے گی ملاقات میں لاپتہ افراد کی بازیابی ‘ سیلابی نقصانات سمیت سیاسی و سماجی مسائل سے متعلق تفصیل کے ساتھ بات چیت کی گئی ملاقات میں کہا گیا کہ لاپتہ افراد کا مسئلہ احساس ہے لواحقین کی مشکلات سے بخوبی آگاہ ہیں ملاقات میں حالیہ بارشوں سے سیلاب سے ہونے والی تباہی سے متعلق بھی تفصیل کے ساتھ بات چیت کی گئی اور کہا گیا ہے کہ حالیہ بارشوں نے بلوچستان میں زراعت ‘ انفراسٹرکچر کو تباہی اور سماجی مسائل پیدا کر دیئے ہیں لوگ کسمپرسی کی زندگی گزارنے پر مجبور ہیں بلوچستان نیشنل پارٹی کے قائد سردار اختر جان مینگل نے وزیراعظم کی توجہ اس جانب مبذول کرائی کہ امدادی کارروائیوں کو بلوچستان میں مزید تیز کرنے کی ضرورت ہے ‘ نصیر آباد ڈ ویژن سمیت بلوچستان کے جن جن علاقوں میں تباہی ہوئی ہے حکومت کی اولین ترجیح یہی ہونی چاہئے کہ وہ عوام کو مشکلات حالات میں ریلیف دیں اب تو لوگ کھلے آسمان تلے سماجی مسائل کا شکار ہیں ملاقات میں کہا گیا ہے کہ جو جانی و مالی نقصانات ہوئے ہیں۔
کوئٹہ: جمعیت علماء اسلام کے بعد بی این پی مینگل کا بھی صوبائی حکومت میں شامل ہونے پر غو دونوں جماعتوں کا ماضی کی طرح مستقبل میں بھی مشترکہ لائحہ عمل طے کرنے پر اتفاق وزیراعلی سے مشاورت کے لئے وقت مانگ لیا ۔ ذرائع کے مطابق جمعیت علماء اسلام کے بعد بی این پی مینگل نے بھی صوبائی حکومت میں شامل ہونے پر غورشروع کردیا ہے گزشتہ رات اسلام آباد میں چیئرمین سینیٹ کی رہائش گاہ پر اہم ملاقات چیئر مین سینیٹ صادق سنجرانی، وزیراعلی بلوچستان میر عبدالقدوس بزنجو، بی این پی کے قائد رکن قومی اسمبلی سردار اختر مینگل شریک تھے۔
تربت: پاکستان نیشنل پارٹی عوامی کے مرکزی سنیئرنائب صدر، سابق صوبائی وزیرمیر غفور احمدبزنجو نے کہاہے کہ پاکستان نیشنل پارٹی عوامی کی بی این پی کے ساتھ انضمام یا اتحاد کے حوالے سے معاملات فائنل کرلئے گئے ہیں اس سلسلے میں کارکنان سے مشاورت کے بعد ہی انضمام یا اتحادکافیصلہ کرلیاجائے گا، پی این پی… Read more »
کوئٹہ: وزیراعلیٰ بلوچستان میر عبدالقدوس بزنجو نے آل پاکستان نیوز پیپرز سوسائٹی کی جانب سے 25 ستمبر کو یوم قارئین قومی اخبارات منانے کے اقدام کو خوش آئند قرار دیتے ہوئے کہا ہے صحافت ہمارے ملک اور معاشرے کا چوتھا ستون ہیں جو معاشرے شعور اور آگہی رکھتے ہیں ان میں پڑھنے کا جذبہ زیادہ ہوتا ہے اور وہ بہتر طور سے اپنے فرائض اور لوگوں کے حقوق کی ادائیگی سے باخبر ہوتے ہیں، وزیراعلیٰ نے کہا کہ اس دن کو منانے کا مقصد سچی اور مستند خبروں کو آگے پھیلانا ہے اور افواہوں اور جھوٹی خبروں کی نفی کرنا ہے کیونکہ کہ ایسی خبروں سے معاشرے میں انتشار پھیلتا ہے، انہوں نے کہا کہ بدقسمتی سے سوشل میڈیا پر آنے والی خبروں کو تصدیق کیے بغیر انہیں عوام تک پہنچایا جاتا ہے جس کی حوصلہ شکنی کرنی چاہیے یہ دور انفارمیشن وار فیئر کا ہے غلط خبروں کے پھیلانے سے معاشرے میں انتشار کو فروغ ملتا ہے،
کوئٹہ: وزیراعلیٰ بلوچستان میر عبدالقدوس بزنجو کی زیر صدارت منعقد ہونے والے اعلیٰ سطحی اجلاس میں بلوچستان زرعی بحالی پلان اور فوڈ سیکیورٹی سے متعلق صوبے کے سیلاب سے متاثرہ اضلاع میں زراعت کے شعبے کی بحالی کے لیے کسانوں کو 15.83 ارب روپے کی سبسڈی فراہم کرنے کی منظوری دے دی گئی اجلاس میں فیصلہ کیا گیا کہ دیگر صوبوں کو دیکھتے ہوئے سبسڈی کو مزید بڑھایا جائے گا صوبائی وزراء میر اسد اللہ بلوچ، انجینئر زمرک خان اچکزئی، چیف سیکرٹری بلوچستان عبدالعزیز عقیلی،ایڈیشنل چیف سیکریٹری منصوبہ بندی و ترقیات حافظ عبدالباسط، سینئر ممبر بورڈ آف ریونیو روشن علی شیخ،سیکرٹری زراعت امید علی کھوکھر اور سیکرٹری خوراک ایاز خان مندوخیل سمیت دیگر متعلقہ حکام نے اجلاس میں شرکت کی اجلاس کو سیکریٹری زراعت نے سیلاب سے متاثرہ اضلاع میں زرعی بحالی پلان بلوچستان پر بریفنگ دیتے ہوئے بتایا کہ زرعی بیجوں پر حکومت کسانوں کو 6.71 ارب روپے کی سبسڈی دے گی اور فرٹیلائزر پر کسانوں کو 6.47 ارب روپے کی سبسڈی فراہم کی جائے گی۔
