نوبتاں نوکیں واہگاں نوکیں
نوکیں سالے پدا پمن اتکگ
یاھدا سال ءَ پال ءُُ ماسگ کن
امبری ہور ءُُ شرتگے نیست اِنت
امبری کبراں سور ءُُ سلوات اِنت
امبری چم ارسیاں درائیں
امبری لنٹ ذگریں ھشکاوگ
یاھدا نوکے پر بکن سال ءَ
شپ دوبر لنج ءُُ سیاہ ءُُ تامور اِنت
کس نندیت مروچاں دراجیں شپاں
کس نہ کنت تران ءُُ مجلس ءُُ دیوان
مہراں بازار یل کتگ دیراِنت
یاھدا مہراں دوبر واتر دئے
یاھدا نوکیں سال ءَ گہتر کن
یاھدا نوکیں سال ءَ وشتر کن
