کوئٹہ: بیگم گورنربلوچستان ڈاکٹر ثمینہ امان نے کہا ہے کہ ہمارے معاشرے میں خواتین پر تشدد کی روک تھام کیلئے کی جانے والی کوشش لائقِ تحسین ہے، خواتین پر تشدد کے خلاف ایکٹیویزم کے سولہ دن ہمیں یہ درس دیتا ہیکہ ہم بلوچستان میں خواتین کے حالات زار کا بغور جائزہ لیں کیونکہ سردست خواتین کی معاشی خودمختاری کیلئے نئے اقدامات اٹھانا ناگزیر ہو چکا ہے۔
کوئٹہ: نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے ملتان میں پاکستان ڈیموکریٹک موومنٹ کے مقامی قیادت کے خلاف جھوٹے مقدمات کا قیام انتہائی افسوسناک اور قابل مزمت ہے انہوں نے کہاکہ ملتان میں 30 نومبر کو ہونے والے پی ڈی ایم کے جلسہ کے انتظامات کرنے والے پی ڈی ایم کے لیڈران پر جھوٹی اور سنگین جرائم کی دفعات کے تحت درج کی جانے والی ایف آئی آر جمہوری اور سیاسی روایات و اداب کے خلاف ہے بلکہ غیر جمہوری و غیر آئینی سوچ و فکر کی غمازی کرتا ہے اس کی جس قدر بھی مذمت کی جائے کم ہے۔
نصیر آباد: پارٹی کی کوشش ہے کہ بلوچستان کے تمام علاقوں میں ترقی و خوشحالی کیلئے جدوجہد کی جائے بلوچستان وسائل سے مالا مال سرزمین جان بوجھ کر پسماندہ رکھا گیا پارٹی سیسہ پلائی دیوار بن چکی ہے پارٹی کو جدید بنیادوں پر فعال کرنے کے مراحل کو آگے بڑھا رہے ہیں ان خیالات کا اظہار ضلع کونسل نصیر آباد کے انتخابات کے موقع پر مرکزی سیکرٹری اطلاعات مہمان خاص ایم این اے آغا حسن بلوچ ایڈووکیٹ‘ اعزازی مہمان مرکزی سیکرٹری فنانس ایم پی اے ملک نصیر احمد شاہوانی‘ مرکزی کمیٹی کے ممبران میر خورشید جمالدینی‘ میر نذیر احمد کھوسہ‘ میر عبدالغفور مینگل‘ اسماعیل مینگل نے خطاب کرتے ہوئے کیا۔
لاہور: وزیراعلیٰ پنجاب سردارعثمان بزدار سے وزیراعلیٰ آفس میں بلوچستان کے وزیر خزانہ ظہور احمد بلیدی اور وزیر صنعت حاجی محمد خان طور اتمن خیل کی قیادت میں وفد نے ملاقات کی۔ وفد نے بلوچستان کے عوام کی فلاح و بہبود کیلئے مثالی اقدامات پر وزیراعلیٰ پنجاب سردار عثمان بزدار کا شکریہ ادا کیا۔ وزیر خزانہ بلوچستان ظہو راحمد بلیدی نے کہا کہ وزیراعلیٰ عثمان بزدار کا پاکستان کے استحکام او رترقی کیلئے مل کر کام کرنے کا جذبہ قابل تحسین ہے اور انہوں نے پنجاب اور بلوچستان کو قریب لانے میں ناقابل فراموش کردار ادا کیا ہے۔
کو ئٹہ: ڈپٹی کمشنر کوئٹہ آفس کے عملے کی ناروا رویہ اور مبینہ رشوت مانگنے پر وکلاء کے ساتھ تلخ کلامی کے بعد وکلاء نے واقعہ کے خلاف ڈپٹی کمشنر آفس کے گیٹ کے سامنے احتجاجاً دھرنا دیا، کمشنر کوئٹہ ڈویژن اور ترجمان حکومت بلوچستان کے ساتھ کامیاب مذاکرات کے بعد وکلاء نے احتجاج ختم کردیا۔ تفصیلات کے مطابق بدھ کو ڈپٹی کمشنر آفس کوئٹہ میں ایک وکیل کے موکل سے بینہ رشوت طلبی کی ویڈیو بنانے پر ڈپٹی کمشنر آفس کا عملہ اور وکلاء کے درمیان تلخ ہوگئی۔
کوئٹہ: بلوچستان کے علاقے لورالائی میں گیس لیکیج کے باعث دم گھنٹے سے میاں بیوی جاں بحق ہوگئے ہیں۔ ذرائع کے مطابق لورالائی کے علاقے دھوبی گھاٹ محلہ میں گیس لیکیج کے باعث جمال خان اور اس کی اہلیہ جاں بحق ہوگئے جن کی نعشیں ہسپتال منتقل کردی گئیں جہاں انہیں ضروری کارروائی کے بعد لواحقین کے حوالے کردی گئیں ہیں۔
کو ئٹہ: سابق وزیر اعلیٰ بلو چستان نواب اسلم خان رئیسانی نے اپنے ایک ٹوئٹ میں کہا کہ سب سیاستدان کہتے ہیں… ووٹ کو عزت دو، ووٹ پہ ڈاکہ پڑا، دھاندلی ہوئی، گو عمران گو… محمد علی جناح کے اقوال کا حوالہ دیتے ہوے ہوے نہیں تھکتے لیکن ان میں سے ایک بھی نہیں کہتا“ جناح کے دستخط کو عزت دو”کیونکہ دستخط میں محکوم بلوچوں اور دوسرے اقوام کے حقوق تسلیم کیے گئے ہیں۔
ڈیرہ مراد جمالی: ایپکانصیرآبادکے رہائشی اور کمرشل اراضی پر تعمیراتی کام کے دوران بااثرافرادکا تعمیراتی کام میں مداخلت واقعے کے خلاف آل پاکستان کلرکس ایسوسی ایشن کے صوبائی صدرداد محمد بلوچ کی قیادت میں کلرک برداری کا سندھ بلوچستان قومی شاہرہ پر احتجاج، ٹائرجلا کر ہرقسم کی ٹریفک کی آمدورفت کو معطل کردیا قبضہ مافیاء کے خلاف سخت نعرے بازی اسسٹنٹ کمشنر تحصیلداراور ڈی ایس پی کا ایپکاکے صوبائی صدر کے ساتھ مذاکرات۔
کوئٹہ: کوئٹہ میں گیس لیکج کے باعث دھماکے میں تین افراد جھلس کر زخمی ہوگئے، ریسکیو حکام کے مطابق بدھ کو کوئٹہ کے علاقے نواں کلی میں سرہ غر گئی کے مقام پر گیس لیکج کے باعث دھماکے میں تین افراد زخمی ہوگئے جنہیں فوری طبی امداد کے لئے بی ایم سی ہسپتال کوئٹہ منتقل کردیا گیا مزید کاروائی جاری ہے۔
کوئٹہ: سابق رکن قومی اسمبلی و ممتاز سیاسی و قبائلی رہنما سردارکمال خان بنگلزئی نے کہا ہے کہ بلوچستان کی ترقی و خوشحالی ہمارا مقصد ہے اور اپنے حقوق سے کبھی بھی دستبردار نہیں ہونگے عوام کے مسائل کو ترجیحی بنیادوں پر حل کرنا ہمارا اولین فرض ہے جس سے ہم غافل نہیں۔یہ بات انہوں نے بدھ کو اپنی رہائش گاہ پر گرینڈ جرگہ کے شرکاء کے اعزاز میں دیئے گئے ظہرانے میں گفتگو کرتے ہوئے کہی۔